"მანჩესტერ იუნაიტედში" იმედოვნებენ, რომ მარკოს როხო მალე შეძლებს მოედანზე დაბრუნდებას, ვინაიდან მან ვარჯიშე უკვე განაახლა.

"ჰადერსფილდთან" ინგლისის თასზე მოგებული მატჩის წინ გამართულ ვარჯიშზე მიღებული ტრავმის გამო როხომ სამი მატჩი გამოტოვა და მათ შორისაა ისეთი მნიშვნელოვანი დაპირისპირებები, როგორიც "სევილიასთან" და "ჩელსისთან" მატჩებია.

მაგრამ 27 წლის ფეხბურთელი უკვე მზადაა სავარჯიშოდ და მალე თამაშსაც მოახერხებს. წინასწარი პროგნოზით, არგენტინელმა 10 მარტამდე სრულად გამოჯანმრთელება უნდა მოახერხოს და "ოლდ ტრაფორდზე" "ლივერპულის", სამი დღის შემდეგ კი "სევილიას" წინააღმდეგ უნდა ითამაშოს.

როხოსთან ერთად მიიღო ტრავმა ფილ ჯონსმაც, მაგრამ მის შესახებ ჯერჯერობით პოზიტიური ამბავი არ ვრცელდება, თუმცა ამ დანაკლისს ერიკ ბაიი შეავსებს, რომელსაც, მართალია სამთვიანი უქმობის შემდეგ სასტარტო შემადგენლობაში ჯერ არ უთამაშია, მაგრამ მოედანზე გასვლას ცვლილების შედეგად ახერხებს.

ამ ყველაფრის ფონზე კი მოურინიო ბოლო მატჩებში დაცვის ცენტრში კრის სმოლინგსა და ვიქტორ ლინდელეფს იყენებდა.

წყარო: espn