"იუნაიტედის" რიგებში არა ერთ მოთამაშეს სეზონის დასრულების შემდეგ კლუბთან ხელშეკრულებები უმთავრდებათ. სიტუაციები ერთმანეთისგან რადიკალირად განსხვავდება, თუ მაიკლ კერიკი საკუთარი სურვილით ასრულებს საფეხბურთო კარიერას და მასთან მოლაპარაკებები მის სამწვრთნელო შტაბში გადასაბარგებლად მიმდინარეობს, მარუან ფელაინის უარყოფილ პირველ შეთავაზებას მეორე ნაბიჯი კლუბისგან არ მოყოლია.

არა ერთხელ გავრცელდა ინფორმაცია ანდერ ერერას, მარკოს როხოს, ლუკ შოუს, დეილი ბლინდის, ეშლი იამგისა და მარუან ფელაინის შესახებ, ვისი კონტრაქტებიც გუნდთან უკანასკნელ თვეებს ითვლის. თუ "მანჩესტერ ივნინგ ნიუსს" ვენდობით დღეს, ჟოზე მოურინიოსა და ედ ვუდვორდს შორის გამართული შეხვედრის შემდეგ, კლუბი უახლოეს მომავალში დაადასტურებს დეილი ბლინდთან, ეშლი იანგთან და სემ ჯონსტონთან, რომელიც ამჟამად აქსელ ტუანზებეს მსგავსად "ასტონ ვილაშია" განათხოვრებული, ფეხბურთელებთან ერთი წლით კონტრაქტის ავტომატურად გაგრძელების შესახებ.

ჟურნალისტები ვარაუდობენ, რომ მოურინიოს ფეხბურთელების უფასოდ დაკარგვა არ სურს და მხოლოდ ამ მიზნით იყენებს აღნიშნულ პუნქტს, უკვე ცნობილია რომ სემ ჯონსტონის შენარჩუნებას ეცდება მისი ამჟამინდელი კლუბი და მზადაა მის სანაცვლოდ 10 მილიონი ევრო გაიღოს.

მყიდველი ყავდა დეილი ბლინდსაც, ზამთრის სატრანსფერო ფანჯარაზე მისით "რომა" აქტიურად ინტერესდებოდა მას შემდეგ რაც ემერსონ პალმიერი "ჩელსის" მიყიდა. აღნიშნული ფაქტი დეილის მამამ დაადასტურა, რომელიც ამავდროულად მისი აგენტიცაა.

უცნობია ეშლი იანგის მომავალი, ზემოთ ხსნებულებისგან განსხვავებით ეშლი ასაკოვანი ფეხბურთელია და პრესას მასთან დაკავშირებული კლუბების დასახელება ამ ეტაპზე არ შეუძლიათ.



წყარო : manchestereveningnews.co.uk