შესანიშნავ ფორმაში მყოფი რობერტ ლევანდოვსკი, რომელმაც "მიუნხენის ბაიერნის" რიგებში ჩატარებულ 108 მატჩში 97 წარმატებული გასროლა განახორციელა, კლუბთან ახალი შეთანხმების მიღწევას ვერ ახერხებს.

პოლონელი, რომელიც კლუბს 2014 წელს "დორტმუნდის ბორისიადან" შეუერთდა და მოქმედი ხელშეკრულება 2021 წლამდე აკავშირებს, "სქაი სპორტსის" ინფორმაციით იქცევს ისეთი საფეხბურთო გრანდების ყურადღებას როგორებიც "მადრიდის რეალი", "ლონდონის ჩელსი" და "მანჩესტერ იუნაიტედია".

ფეხბურთელთან განშორებას არ აპირებს მიუნხენური გრანდი, მაგრამ საკუთარი გეგმები აქვს ფეხბურთელის აგენტს, პინი ზაჰავის. სწორედ ზაჰავის ფაქტორი ხდის აღნიშნულ ტრანსფერს შესაძლებელს.

"იუნაიტედი" ცენტრ ფორვარდის პოზიციაზე რომელუ ლუკაკუს იყენებს, რომელსაც მიმდინარე სეზონში 22 გოლი და 6 საგოლე გადაცემა აქვს. აღნიშნულ პოზიციაზე ბელგიელის ჩანაცვლება ზლატან იბრაჰიმოვიჩს, ენტონი მარსიალს, მარკუს რეშფორდსა და ალექსის სანჩესს შეუძლიათ.

წყარო : skysports.com