პოლ პოგბას კონტრაქტში გამოსყიდვის შესახებ არსებული პუნქტის გაცხადების შემდეგ ცნობილი გახდა, რომ "იუვენტუსს" მისი დაბრუნების საშუალება ნახევარ ფასად აქვს.

ფრანგმა ფეხბურთელმა, რომელმაც სეზონი კარგად დაიწყო და ცხრა საგოლე გადაცემა დააგროვა თავის აქტივში, ბოლო კვირებში ჟოზე მოურინიოს ნდობა დაკარგა.

პრემიერ ლიგის ეგიდით "ნიუკასლსა" და "ტოტტენჰემთან" წაგებული მატჩები პოგბამ სრულად ვერ ჩაატარა, რადგან მოურინიოს მოედნიდან დროზე ადრე გაიყვანა, ხოლო "ჰადერსფილდთან" და "სევილიასთან" შეხვედრები სათადარიგოთა სკამზე დაიწყო.

მოურინიოსა და პოგბას შორის ბოლო დროს დაძაბული ურთიერთობის გახმაურების შემდეგ ითვლება, რომ შესაძლოა, "მანჩესტერ იუნაიტედმა" მისი გაყიდვით დიდი თანხა იშოვოს, მაგრამ ამ ინფორმაციას ფრანგული გამოცემა L’Equipe კიდევ უფრო შორს მიმართავს.

მისი მტკიცებით, პოგბას ტრანსფერში არსებობს პუნქტი, რომლის თანახმადაც "იუვენტუსს" პოგბას დაბრუნება 60 მლნ. ევროდ შეუძლია და სერია A-ს ჩემპიონები ფეხბურთელის მდგომარეობას აკვირდებიან.

24 წლის ფეხბურთელმა თავისი კარიერის საუკეთესო წლები გაატარა ტურინში და წინააღმდეგი არ უნდა იყოს უკან დაბრუნების, მაგრამ მისი ხელფასი ყველაზე მთავარი საკითხია ამ შესაძლო ტრანსფერში.

პაულო დიბალა და გონსალო იგუაინი კლუბის ყველაზე მაღალანაზღაურებადი ფეხბურთელები არიან წლიური 7.5 მილიონი ევროს ოდენობით და პოგბა 4.5 მილიონით მეტს მოითხოვს.

თუმცა, ფრანგის მომავალი დამოკიდებული იქნება მომდევნო თვეებში და მის სურვილზე, ენდომება თუ არა ჟოზე მოურინიოს გულის მოგება და მის გეგმებში დაბრუნება.

წყარო: L’Equipe