ფრანგი "იუნაიტედში" თავისი მდგომარეობით უკმაყოფილოა.
პოლ პოგბას სურს, რომ ჟოზე მოურინიოსგან უფრო მეტი მხარდაჭერა იგრძნოს "მანჩესტერ იუნაიტედში" თავისი კარიერის რთულ პერიოდში.
"იუნაიტედის" სარეკორდო შენაძენმა პორტუგალიელის ნდობა დაკარგა და "სევილიასთან" მატჩის ძირითად თერთმეტეულში ვერ მოხვდა, მის ნაცვლად კი მოედანზე სკოტ მაკტომინეი გამოჩნდა.
24 წლის ფრანგს მიაჩნია, რომ მოურინიოსგან საკმარისი მხარდაჭერა არ აქვს და სურს, კვლავ დაფასებულად იგრძნოს თავი.
პოგბას ბანაკში კი ევროპის ტოპ-კლუბებისთვის ხმის მიწვდენა დაიწყეს, რათა გაიგონ, არსებობს თუ არა მისით დაინტერესებული რომელიმე გრანდი.
"იუნაიტედი" ნებისმიერ ფასად შეეწინააღმდეგება პოგბას წასვლას გუნდიდან, სადაც მხოლოდ 19 თვე გაატარა "იუვენტუსიდან" დაბრუნების შემდეგ.
მათ სურთ იგივე გაიმეორონ, რაც ანხელ დი მარიას შემთხვევაში მოხდა, როცა მადრიდის "რეალიდან" არგენტინელი 59.7 მლნ. ფუნტად გადაიბირეს.
თუმცა, მდგომარეობას აუარესებს ის, რომ პოგბას აგენტმა მინო რაიოლამ პირველი ნაბიჯები უკვე გადადგა სხვა არჩევანის მოსაძებნად.
პოგბას "იუნაიტედი" ადრეც დაუტოვებია, მაგრამ ამ შემთხვევაში წასვლას მისი მოთხოვნილებები გაართულებს. გარდა იმისა, რომ "წითლები" მასში დიდ თანხას მოითხოვენ, შემსყიდველ კლუბს მოუწევს პოგბასთვის დიდი ხელფასის გადახდაც.
წყარო:
dailymail