ინგლისის თასის მეოთხედფინალურ ეტაპზე "მანჩესტერ იუნაიტედი" "ბრაიტონს" 17 მარტს, თბილისის დროით 23:45 სთ-ზე დაუპირისპირდება.
"წითლები" "თოლიებს" 1983 წლის ინგლისის თასის ფინალშიც დაუპირისპირდნენ და მაშინ "იუნაიტედმა" "უემბლიზე" პირველი შეხვედრის 2-2 დასრულების შემდეგ, გამეორებითი მატჩი 4-0 მოუგეს. "ბრაიტონმა", რომელიც პრემიერ ლიგაში ამჟამად მე-14 ადგილს იკავებს, 1986 წლის შემდეგ პირველად გავიდა მერვედფინალში.
"იუნაიტედმა" კრის ჰიუტონის გუნდი პრემიერ ლიგის ეგიდით უკვე დაამარცხა "ოცნების თეატრზე", როცა ეშლი იანგის დარტყმული "თოლიების" მცველ ლიუის დანკის ავტოგოლის შემდეგ ერთადერთი აღმოჩნდა.
"იუნაიტედს" ინგლისის თასის მიმდინარე გათამაშებაში ჯერ გოლი არ გაუშვია და ზედიზედ მეოთხე სეზონში გავიდა მეოთხედფინალში.
"ბრაიტონთან" 17 მარტს ჩასატარები შეხვედრა ნიშნავს, რომ "იუნაიტედისა" და "ვესტ ჰემის" მატჩი, რომელიც 18 მარტს უნდა გამართულიყო, გადაიდება და სხვა დროს ჩატარდება.
გასულ სეზონში წესებში შეტანილი ცვლილებების გამო მეოთხედფინალში გადათამაშება არ იქნება და გამარჯვებულის ვინაობა "ოლდ ტრაფორდზე" გამოვლინდება.
ახალი განრიგი "წითლებს" საკმაოდ რთულ კალენდარს უქადის, ვინაიდან გუნდს ერთი კვირის პერიოდში მოუწევს დაპირისპირება "ლივერპულთან" პრემიერ ლიგაში, "სევილიასთან" ჩემპიონთა ლიგაზე და "ბრაიტონთან" ინგლისის თასზე, თუმცა პოზიტიური ამბავი ის არის, რომ სამივე ამ შეხვედრას "იუნაიტედი" "ოლდ ტრაფორდზე" გამართავს.
ახალი ამბები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.