"მანჩესტერ იუნაიტედის" მეკარე კიდევ ერთხელ იყო გამორჩეული ფიგურა თავის გუნდში, როცა "სევილიას" დაუპირისპირდა.
განხორციელებული 8 სეივით დავიდ დე ხეამ სეზონის მე-19 "მშრალი" მატჩი ჩაატარა და თავის გუნდს ფავორიტის სტატუსი შეუნარჩუნა ჩემპიონთა ლიგის მერვედფინალურ წყვილში.
ეს პირველი შემთხვევა იყო, რომ "სევილიამ" ჩემპიონთა ლიგის საშინაო მატჩში გოლის გატანა ვერ მოახერხა, ამაში კი უდიდესი წვლილი შეიტანა ესპანელმა პირველი ტაიმის დამატებულ წუთზე მურიელისთვის ახლო მანძილიდან აღებული ბურთით.
ჩემპიონთა ლიგაზე დე ხეას 95.5% აქვს მოგერიებული დარტყმებისა, რომელიც მისი მიმართულებით წავიდა, რაც საუკეთესო შედეგია იმ მეკარეებს შორის, ვისაც მინიმუმ 10 სეივი აქვს განხორციელებული. ოთხშაბათს "მშრალად" შენახული კარი მისთვის მეექვსე იყო ევროპაში ჩატარებულ ბოლო რვა მატჩში.
ვიდეოები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.