განაცხადს ორი ახალგაზრდა ფეხბურთელი შეემატა.
"მანჩესტერ იუნაიტედმა" ჩემპიონთა ლიგის განაცხადში ანხელ გომესი და ითენ ჰამილტონი დაამატა.
17 წლის გომესი დუნკან ედვარდსის შემდეგ ყველაზე ახალგაზრდა ფეხბურთელია, რომელსაც "იუნაიტედის" პირველ გუნდში დებიუტი ჰქონდა.
18 წლის ჰამილტონი კი პირველი გუნდის განაცხადში მაშინ მოხვდა, როცა "ჰადერსფილდთან" შეხვედრა პოლ პოგბამ ავადმყოფობის გამო გამოტოვა და მისი ადგილის შევსება გახდა საჭირო.
"იუნაიტედმა" ეს ფეხბურთელები B სიაში დაამატა, სადაც ხვდებიან 1996 წლის 1 იანვარს ან მას შემდეგ დაბადებულები.
გომესი და ჰამილტონი კლუბმა მას შემდეგ დააწინაურა, რაც "იუნაიტედის" 19-წლამდელთა გუნდი UEFA-ს ახალგაზრდულ ლიგას გამოეთიშა "ლივერპულთან" განცდილი მარცხის შემდეგ.
"ოლდ ტრაფორდზე" მოურინიოს მისვლის პერიოდში აკადემიის ექვს ფეხბურთელს ჰქონდა დებიუტი პირველ გუნდში, რამდენიმე ახალგაზრდა კი რეგულარულად ვარჯიშობს პირველ გუნდთან ერთად.
"იუნაიტედის" სრული განაცხადი ჩემპიონთა ლიგაზე:
მეკარეები: დავიდ დე ხეა, სერხიო რომერო, ჟოელ კაშტრუ პერეირა*, კირენ ო'ჰარა*
მცველები: ვიქტორ ლინდელეფი, ერიკ ბაიი, მარკოს როხო, ფილ ჯონსი, კრის სმოლინგი, ეშლი იანგი, ანტონიო ვალენსია, ლუკ შოუ, დეილი ბლინდი, მატეო დარმიანი
ნახევარმცველები: პოლ პოგბა, ნემანია მატიჩი, მაიკლ კერიკი, სკოტ მაკტომინეი*, ანდერ ერერა, მარუან ფელაინი, ხუან მატა, ჯესი ლინგარდი, ითენ ჰამილტონი*, ხუან მატა
თავდამსხმელები: ალექსის სანჩესი, ენტონი მარსიალი, მარკუს რეშფორდი*, რომელუ ლუკაკუ, ზლატან იბრაჰიმოვიჩი, ანხელ გომესი*
* - B სია.
წყარო:
M.E.N.