"მანჩესტერ იუნაიტედი" მზად არის, კონკურენცია გაუწიოს "ბენფიკას", რომელიც ხორვატიელი ვუნდერკინდის, ნიკოლა მოროს, იგივე "ახალ ლუკა მოდრიჩად" წოდებული ფეხბურთელით არის დაინტერესებული.

19 წლის მორომ ზაგრების "დინამოს" შემადგენლობაში 36 მატჩი ჩაატარა ხორვატიის ჩემპიონატის ეგიდით და არაერთხელ დაიმსახურა ქება ნახევარდაცვაში გაწეული სამსახურისთვის.

მისი ნიჭის შედარება მაშინვე დაიწყეს თანამემამულე მოდრიჩთან, რომელიც ხორვატიის ნაკრების ყველა დროის ერთ-ერთ საუკეთესო ნახევარმცველად ითვლება.

ზაგრებში მოროს მიერ ჩატარებული არაერთი შთამბჭდავი მატჩის შემდეგ ევროპის უდიდესმა კლუბებმა თავიანთი ყურადღება ხორვატიისკენ მიმართეს, მათ შორის კი "მანჩესტერ იუნაიტედიცაა".

ნიკოლას შესაძლებლობებს შესანიშნავად აცნობიერებს "ბენფიკაც" და პორტუგალიური მედია იტყობინება, რომ ამ ტრასნფერისთვის "არწივები" "იუნაიტედს" ბრძოლას გაუმართავენ.

მაგრამ ასევე ცხადია, რომ "ოლდ ტრაფორდის" მკვიდრები დიდი ფინანსური უპირატესობით სარგებლობენ, რასთან ჭიდილსაც "ბენფიკა" ვერ მოახერხებს.

ზაგრებულმა კლუბმა უკვე მოასწრო 12,5 მილიონიანი შეთავაზების უარყოფა, რომელიც დონეცკის "შახტიორისგან" მიიღო, რაც ხაზს უსვამს ფაქტს, რომ მოროს იაფად არ განშორდებიან.

წყარო: talksport