UEFA-ს ახალგაზრდული ლიგა / "პრენტონ პარკი"/ გოლები: ვუდბერნი 11', კამაჩო 77'

"მანჩესტერ იუნაიტედის" 19-წლამდელთა გუნდი UEFA-ს ახალგაზრდული ლიგის გათამაშებას "ლივერპულთან" მარცხის შემდეგ გამოეთიშა.

მასპინძლებმა მალევე მოახერხეს წინა ღამით "ტრანმერ როვერსისა" და "მაკლსფილდ თაუნის" მატჩისგან დაზიანებულ მოედნის საფარზე დაწინაურება. მატჩში ანგარიში მე-11 წუთზე გაიხსნა, როცა ნეკო უილიამსმა მარჯვენა ფლანგიდან ჩაუწოდა ბურთი მარტო დატოვებულ ვუდბერნს, რომელმაც ფოიტიჩეკს თავური გოლი გაუტანა.

ამის შემდეგ მასპინძლები მთელი პირველი ტაიმის განმავლობაში ახდენდნენ ზეწოლას "იუნაიტედის" კარზე, მაგრამ მცველებისა თუ მეკარის კარგი თამაშის წყალობით "წითელმა ეშმაკებმა", მეტი გოლი შეხვედრის პირველ ნახევარში აღარ გაუშვეს.

თავისი მომენტი ჰქონდა "იუნაიტედსაც", როდესაც კონტრშეტევაზე ტაჰიტ ჩონგმა ხარიხას მოარტყა ბურთი, მაგრამ გოლის გატანა სტუმრებმა ვერ შეძლეს.

მეორე ტაიმში გარდამავალი უპირატესობის ფონზე ლივერპულელმა ფეხბურთელებმა შორეული ეფექტური დარტყმით ანგარიში ორამდე გაზარდეს და მატჩის საბოლოო შედეგიც დააფიქსირეს.

"იუნაიტედი" სტუმრად 2-0 დამარცხდა და ტურნირს გამოეთიშა, ხოლო სტივენ ჯერარდის გაწვრთნილი გუნდი მეოთხედფინალში გავიდა, სადაც "მანჩესტერ სიტის" დაუპირისპირდება.