ჩემპიონთა ლიგის მერვედფინალურ წყვილებს შორის პირველი ტურის შეხვედრაში "იუნაიტედმა" ესპანეთში ნულოვანი ფრე ითამაშა. მატჩის საუკეთესო ფეხბურთელი, "წითლების" ესპანელი მეკარე დავიდ დე ხეა გახდა, რომელმაც აღნიშნულ შეხვედრაში, ლეგენდარული ჰოლანდიელი მეკარის ედვინ ვან დერ საარის რეკოდი გაიმეორა ჩემპიონთა ლიგაზე.
შეგახსენებთ და გეტყვით, რომ ვან დერ საარმა 2011 წელს "იუნაიტედის" რიგებში ჩემპიონთა ლიგის ერთ-ერთი ფინალი ითამაშა. "წითელი ეშმაკები" ამ შეხვედრაში კატალონიის "ბარსელონას" დაუპირისპირდნენ, იმ წელს ტურნირის გამარჯბვებული "ბარსელონა გახდა ანგარიშით 3-1.
თუმცა ეს შეხვედრა ყურადსაღები იყო ჰოლანდიელი კიპერისთვის, რომელმაც საერთო ჯამში 8 სეივი განახორციელა და ამით "მანჩესტერის" მეკარეებს შორის რეკორდიც დაამყარა, როგორც ჩემპიონთა ლიგაზე ჩატარებული შეხვედრებიდან ყველაზე მეტი მოგერიებული ბურთებით.
გუშინდელ დაპირისპირებაში, ეს რეკორდი ესპანელ მეკარემ დავიდ დე ხეამაც გაიმეორა, რომელმაც მონტელას გუნდის შეტევები რვაჯერ მოიგერია და "მანჩესტერის" ისტორიაში კიდევ ერთხელ ლეგენდარულ მეკარესთან ედვინ ვან დერ საართან ერთად ჩაეწერა.