ჩემპიონთა ლიგის მერვედფინალური ტურის პირველი შეხვედრები გუშინ დასრულდა. "სანჩეს პისხუანზე" ერთმანეთს "სევილია" და "იუნაიტედი" დაუპირისპირდნენ, მატჩი ნულოვანი ფრით დასრულდა, ამ ორ წყვილს შორის ყველაფერი კი განმეორებით შეხვედრაში, "ოლდ ტრაფორდზე" 13 მარტს გადაწყდება.
აღნიშნულ შეხვედრაში სტუმართა მხრიდან უდავოდ საუკეთესო, "წითლების" ესპანელი კიპერი დავიდ დე ხეა იყო, რომელმაც "ანდალუსიელებს" ორი რეალური მომენტი არ გამოაყენებინა და საკუთარი გუნდი გაშვებული გოლებისგან იხსნა.
"შეხვედრში ყველაზე საშიში მომენტი მასპინძლებმა შეგვიქმნეს. ისინი თამაშს აკონტროლებდნენ, ხოლო ჩვენ თავს კარგად ვიცავდით. მოწინაღმდეგემ კარგად ითამაშა, თუმცა ამ შეხვედრაში გადაწყვეტილი არაფერია.
რაც შეეხება ჩემ თამაშს, შეხვედრის პირველი ნახევრის დასასრულს მეტოქემ ძალიან საშიში შეტევა განახორციელა. მე ძალიან რთული და ძლიერი დარტყმული მოვიგერიე, რითაც მოხარული ვარ".- განაცხადა დასასრულს დე ხეამ.