"მანჩესტერ იუნაიტედის" მთავარმა მწვრთნელმა ჟოზე მოურინიო განაცხადა, რომ ჩემპიონთა ლიგის პლეი ოფში თამაშის შესაძლებლობა ერთ-ერთი მიზეზი იყო იმისა, რის გამოც ალექსის სანჩესმა "ოლდ ტრაფორდზე" გადასვლა ამჯობინა, ამიტომ "სევილიასთან" კარგი თამაშის იმედი აქვს.
დღეს საღამოს "წითელი ეშმაკები" ესპანეთში ანდალუსიელებს ეწვევიან. "იუნაიტედის" მაისურით ჩილელისთვის ეს პირველი მატჩი იქნება ევროპის ელიტარულ ტურნირზე, ზოგადად კი მას დიდი ხანია არ უთამაშია ჩემპიონთა ლიგაზე, ვინაიდან ალექსისის ყოფილი გუნდი "არსენალი" მიმდინარე სეზონში ევროპა ლიგაზე ასპარეზობს.
სწორედ ეს იქცა ერთ-ერთ მნიშვნელოვან ფაქტორად, რის გამოც 29 წლის სანჩესმა "არსენალის" დატოვება და "იუნაიტედში" გადასვლა სეზონის შუა ნაწილში კონტრაქტის ამოწურვამდე ისურვა.
"ალექსისს შეეძლო ზაფხულის სატრანსფერო ფანჯარამდე მოცდა, მაგრამ იგი ჩემპიონთა ლიგის ამ ეტაპზე თამაშის შესაძლებლობამ გაიტაცა, რაც ერთ-ერთი მიზეზი გახდა მისი ჩვენს გუნდში გადმოსვლისა.
გასულ სეზონში ჩემთვის რთული იყო მოტივაციის აღძვრა ხალხისთვის იმ ტურნირზე, სადაც თამაში არ გვინდოდა. მაგრამ ის ტურნირი მოვიგეთ და ახლა საუკეთესოთა შორის ვართ.
სწორედ ომის გამო მოისურვა ალექსისმა ჩვენთან გადმოსვლა, რომ ჩემპიონთა ლიგაზე ეთამაშა. ძლიერად უნდა ვიასპარეზოთ, რადგან არ გვინდა, რომ მან მხოლოდ ორი მატჩი ჩაატაროს", - განაცხადა მოურინიომ.
ინტერვიუები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.