"მანჩესტერ იუნაიტედის" მთავარმა მწვრთნელმა ჟოზე მოურინიომ განაცხადა, რომ პოლ პოგბას ისეთივე პასუხისმგებლობა ეკისრება თამაშებსა და შედეგებზე, როგორც ნებისმიერ სხვა ფეხბურთელს.
მიმდინარე სეზონში ფრანგი თავისთვის ჩვეულ თამაშს ვერ აჩვენებს, მცირე ხნის წინ კი პრესაში ინფორმაცია გაჩნდა, რომ 24 წლის ფეხბურთელს მოურინიოსთან უთანხმოება აქვს.
გარდა ამისა, პოლ ახსენებენ მის ღირებულებას - იგი ჯერ კიდევ რჩება "იუნაიტედის" ყველაზე ძვირადღირებულ შენაძენად.
მაგრამ მოურინიო ჟურნალისტებს მოუწოდებს, რომ აქცენტი ცალკეულ ფეხბურთელზე არ უნდა გაკეთდეს.
"არა მგონია, მოცემულ ვითარებაში სამართლიანი იყოს პასუხისმგებლობაზე, რომელიც ფეხბურთელს აკისტია. არ მომწონს, როცა ხალხი ამბობს, რომ X მილიონად შეძენილი ფეხბურთელი არ ატარებს იმავე ვალდებულებას, რასაც მასზე სამჯერ ძვირი მოთამაშე.
მათ ერთნაირი პასუხისმგებლობა აკისრიათ, ამიტომ არ მომწონს მსგავსი დამოკიდებულება. მესმის თქვენი პოზიციის, მაგრამ ჩემთვის მიუღებელია. იგივე ხდება, როცა მატჩის განაცხადს ვარჩევ. ყურადღებას არ ვაქცევ ასაკს, ხელფასს ან სატრანსფერო ღირებულებას, რადგან ეს უსამართლობაა", - განაცხადა პორტუგალიელმა.