"სევილიას" მწვრთნელამ ვინჩენცო მონტელამ იხუმრა, რომ მის ფეხბურთელებს ალექსის სანჩესის მოკვლა მოუწევთ, თუ ჩილელის შეჩერება სურთ.
"წითლები" ჩემპიონთა ლიგის მერვედფინალური ეტაპის პირველ შეხვედრას ესპანეთსი დღეს გამართავენ და პოზიტიური შედეგის მოპოვებას ეცდებიან.
და მიუხედავად იმისა, რომ 29 წლის სანჩესს თავისი პოტენციალი ჯერ სრულად არ გამოუვლენია, მონტელამ შესანინავად იცის ჩილელის შესაძლებლობები.
"შესაძლოა, მის მოკვლა ან ნოკაუტში ჩაგდება ან რამე ამდაგვარი მოგვიხდეს! სანჩესი ძალიან კარგად მახსოვს იმ დროიდან, როცა იტალიაში თამაშობდა. მას შემდეგ ძალიან დიდი პროგრესი განიცადა, როგორც ფეხბურთელმა და გააუმჯობესა მოედნის ხედვა, მოძრაობები და შეტევაში სისწრაფე", - განაცხადა "სევილიას" თავკაცმა.
თავისი მწვრთნელის სიტყვებს გამოეხმაურა "სევილიას" მცველი სერხიო ესკუდეროც.
"იუნაიტედსა" და სანჩესს დიდ პატივს ვცემთ, მათ კარგი ფეხბურთელები ჰყავთ. "ბარსელონაში" ყოფნის დროიდან გვახსოვს - ძალიან ჭკვიანი ფეხბურთელია და ჩვენთვის ძალიან დიდ ხიფათს წარმოადგენს.
შესაძლოა, ჩვენ აუთსაიდერები ვიყოთ, მაგრამ ამას მოტივაციად გამოვიყენებთ. ასეთი მატჩები ჩვენი გულშემატკივრების მხარდაჭერის ფონზე საოცარი გამოდის.
ჩვენ მზად ვიქნებით და ყურადღებას არ მოვადუნებთ, რადგან ტურნირზე შორს გასვლა გვსურს, თუმცა ვიცით, რომ "იუნაიტედს" უმაღლესი დონის ფეხბურთელები და მწვრთნელი ჰყავს".