კარინგტონზე დილით გამართული სავარჯიშო სესიის შემდეგ "იუნაიტედი" სევილიის მიმართულებით გაემართა და წარმატებით ჩაფრინდა. გუნდი დღევანდელ დღეს ძალების აღსადგენად გამოიყენებს, დილით ბოლო მოსამზადებელ სავარჯიშო სესიას ჩაატარებს და თბილისის დროით 23:45 წუთზე "რამონ სანჩეს პისხუანზე" პირველ მერვედ ფინალურ დაპირისპირებას გამართავს.

ფეხბურთელები რომლებიც სევილიაში ჩაფრინდნენ : დავიდ დე ხეა, სერხიო რომერო, ჟოელ პერეირა, ანტონიო ვალენსია, მატეო დარმიანი, ერიკ ბაილი, კრის სმოლინგი, ვიქტორ ლინდელოფი, ლუკ შოუ, ეშლი იანგი, ანდერ ერერა, სკოტ მაკტომინი, პოლ პოგბა, ნემანია მატიჩი, მაიკლ კერიკი, ჯესი ლინგარდი, ხუან მატა, ანტონი მარსიალი, მარკუს რეშფორდი, ალექსის სანჩესი და რომელუ ლუკაკუ.

მიუხედავად იმისა, რომ გუნდთან ერთად სრული დატვირთვით ითამაშა ზლატან იბრაჰიმოვიჩმა, შვედი ლეგენდა გუნდთან ერთად არ გაემგზავრა. გუნდს ასევე ვერ დაეხმარებიან ფილ ჯონსი და მარუან ფელაინი. ესპანური პრესის გავრცელებული ინფორმაციით "სევილიას" შესაძლოა ხოაკინ კორეა ვერ დაეხმაროს მცირე დაზიანების გამო.

გუნდთან ერთად ასევე ესპანეთში ჩაფრინდა ლეგენდარული სერ ალექს ფერგიუსონი, რომელიც ხვალინდელ მატჩს პირადად დაესწრება.












წყარო: https://m.vk.com/mufc.news