ხუან მატამ "იუნაიტედში" მოურინიოს მისვლის შემდეგ ბევრი სანუგეშო ზარი მიიღო.
ხუან მატამ განაცხადა, რომ "მანჩესტერ იუნაიტედში" ჟოზე მოურინიოს დანიშვნის შემდეგ შეწუხებული მეგობრები და ოჯახის წევრები ხშირად ურეკავდნენ.
მოურინიო და მატა "ჩელსიშიც" მუშაობდნენ ერთად, სანამ ესპანელს თავის ბოლო სეზონში პრობლემები შეექმნებოდა სასტარტო შემადგენლობაში მოხვედრასთან დაკავშირებით და შუა სეზონში "ოლდ ტრაფორდზე" გადაბარგდებოდა.
"იუნაიტედში" კი ხუანმა მოურინიოს თავისი მნიშვნელობა დაუმტკიცა და მიუხედავად იმისა, რომ ათიანის პოზიციაზე თამაშს ამჯობინებს, მარჯვენა ფლანგზე ასპარეზობას დაეჩვია.
მაშინ, როცა 2016 წლის მაისში მოურინიო დაინიშნა "იუნაიტედის" მთავარი მწვრთნელის პოსტზე, გულდამშვიდებული მატა ხშირად იღებდა სატელეფონო ზარებს მისი ბედით დაინტერესებული ადამიანებისგან.
"ეს მართლა შემემთხვა. შეწუხებული მეგობრების და ოჯახის წევრებისგან სატელეფონო ზარებს ვიღებდი, მაგრამ მე არასოდეს მქონია პირადი პრობლემა მოურინიოსთან ან "ჩელსისთან". გული იმან დამწყვიტა, რომ მათ დაუჯერებს ჭორებს იმის შესახებ, რაც სინამდვილეში არასოდეს მომხდარა", - განაცხადა ესპანელმა.
ნახევარმცველს მიაჩნია, რომ ხალხი მოურინიოს არასათანადოდ იცნობს:
"მოურინიოს შესახებ ხალხმა მხოლოდ ის იცის, რაც მოურინიოს სურს. ჩვენი პირადი ცხოვრებიდან რაღაცის დამალვა აუცილებელია." მატას ასევე ჰკითხეს, თუ უყვარდა მოედანზე გართობა:
"ზოგჯერ კი, ზოგჯერ არა. გამარჯვების მოთხოვნილება გართობას ზღუდავს. ბურთის ფლობა, მასთან შეხება და გართობა მომწონს, მაგრამ ეს ყოველთვის როდია შესაძლებელი". რაც შეეხება მოედანზე არსებულ თავისუფლებას, ხუანმა ახსნა:
"მოურინიო თავდამსხმელის უკან მოთამაშე ფეხბურთელს თავისუფლებას უტოვებს. თუ ბურთი დაკარგე, აუცილებლად უნდა იბრძოლო მის დასაბრუნებლად, მაგრამ ის ფეხბურთელის ინტუიციასაც ენდობა". წყარო:
Sportwitness (mundo deportivo)