ნემანია მატიჩი აცხადებს, რომ "მანჩესტერ იუნაიტედი" "სევილიასთან" დასაპირისპირებლად და "რამონ სანჩეს პისხუანზე" გასამართი ემოციური მატჩისთვის მზად არის.

ესპანურმა გუნდმა 2016 წლის შემდეგ ერთადერთი საშინაო მატჩი წააგო და ეს გასულ თვეში "რეალ ბეტისთან" საჩემპიონატი მატჩში მოხდა. ამ შთამბეჭდავი სერიის განმავლობაში მათ დაამარცხეს ინგლისის ყოფილი ჩემპიონი "ლესტერ სიტი" და ჩვენი მეზობელი "ლივერპული" საყაიმო ანგარიშით 3:3 გაისტუმრეს.

კლუბის ოფიციალური საიტისთვის მიცემულ ინტერვიუში სერბმა ფეხბურთელმა განაცხადა, რომ მრავალფეროვანი და ცოცხალი ატმოსფეროსთვის მზად არის.

"ძალიან კარგი გუნდია და განსაკუთრებით სახლში, სადაც მათი გულშემატკივრები 90 წუთის განმავლობაში უჭერენ მხარს. ჩვენი მოლოდინით, დასაწყისიდანვე აგრესიულად ითამაშებენ. მაგრამ ჩვენი ვიცით ჩვენი საქმე და შესაძლებლობები, ყველაფრისთვის მზად ვართ.

ბედნიერები ვართ, რომ ჩემპიონთა ლიგაზე ისევ ვთამაშობთ. "სევილია" დიდებული გუნდია და ეს კარგი შესაძლებლობაა მათთან ჭიდილისთვის, ამ შანსით კი ყველა მოხარულია. მათ დიდ პატივს ვცემთ, ვიცით, რომ კარგი გუნდია და დარწმუნებული ვარ, რომ ოთხშაბათს გულშემატკივარი ძალიან კარგ მატჩს იხილავს."

საინტერესოა, რომ "სევილიას" რიგებში ირიცხება პრემიერ ლიგაში ადრე მოასპარეზე რამდენიმე ფეხბურთელი რომელთა შორისაა ხესუს ნავასიც, რომელიც დიდი ხნის განმავლობაში იცავდა "მანჩესტერ სიტის" ფერებს.

"მათ რამდენიმე ისეთი მოთამაშე ჰყავთ, ვინც ადრე პრემიერ ლიგაში ასპარეზობდა და რა თქმა უნდა, ეს მათთვის უკეთესია. მაგრამ ჩვენ ჩვენი უნარებიც გვაქვს, რასაც გამოვიყენებთ.

ძალიან მნიშვნელოვანია გასვლაზე კარგი შედეგის მოპოვება და გოლის არ გაშვება. რთული იქნება, მაგრამ კარგი შედეგის მიღწევას და გამარჯვებას ვეცდებით. ვიცით, რა მოლოდინი უნდა გვქონდეს".