რამდენიმე დღის წინ ბრიტანული პრესის გავრცელებულ ინფორმაციას, რომ კლუბი კრის სმოლინგის "არსენალში" გაყიდვაზე ფიქრობდა, მოყვა იტალიური პრესის ვარაუდი, რომ ვუდვორდი ცენტრალურ მცველს "სერია ა"-დან მოიყვანდა.

მილოშ სკრინიარის, კალიდუ კულიბალისა და კოსტას მანოლასის კანდიდატურები სავსებით რეალურად შეიძლება ჩაითვალოს, მაგრამ სამივე მათგანს საკუთარ კლუბებთან მოქმედი კონტრაქტები აკავშირებთ და სერიოზული ფინანსური შეთავაზების გარეშე მათმა ხელმძღვანელებმა ნაკლებად სავარაუდოა დროზე ადრე განშორება გადაწყვიტონ.

სულ სხვა საქმეა რომის "ლაციოს" ჰოლანდიელი ცენტრალური მცველის სტეფან დე ვრეის სიტუაცია, რომელსაც კონტრაქტი ზაფხულში ეწურება და უკვე თავისუფლად აქვს შესაძლებლობა მოლაპარაკება აწარმოოს დაინტერესებულ კლუბებთან.

თუ აქამდე ასეთებად მხოლოდ "ჩელსი" და "ლივერპული" განიხილებოდნენ, ახლა უკვე "იუნაიტედიც" ფიგურირებს, მიუხედავად იმისა, რომ "მირორი" ნაკლებად განეკუთვნება ყველაზე სანდო წყაროების კატეგორიას, თავისუფლადაა შესაძლებელი მოურინიო მართლაც განიხილავდეს სტეფანის კანდიდატურას, რომელიც შესანიშნავ სეზონს ატარებს და ასეთი დონის ცენტრალური მცველები თავისუფალ აგენტებად დიდი იშვიათობაა.

შეგახსენებთ კრის სმოლინგის გარდა პარიზული გრანდის სახით მსურველი ყავს მარკოს როხოს, გაურკვეველია დეილი ბლინდის მომავალიც, რომლის შეძენასაც იანვარში მეორე რომაული კლუბი ცდილობდა.




წყარო: mirror.co.uk