შაბათს გამართული მატჩის შემდეგ ნემანია მატიჩმა განაცხადა, რომ დარწმუნებული არ არის, თუ რა შეემთხვა პოლ პოგბას და იმედოვნებს, რომ ფრანგი ჩემპიონთა ლიგის მატჩში მონაწილეობას შეძლებს.

"ჰადერსფილდთან" მოგებული მატჩის წინ ჟოზე მოურინიომ დაადასტურა, რომ ფრანგ ნახევარმცველს ძირითად შემადგენლობაში დააყენებდა, მაგრამ მომდევნო დღეს კლუბის ოფიციალურმა საიტმა მატჩის დაწყებამდე ხუთსაათ-ნახევრით ადრე დაწერა, რომ პოლი ავად იყო და თამაშს ვერ შეძლებდა.

პოგბამ, რომლის მოურინიოსთან ურთიერთობა ბოლო კვირებში განხილვის საგანი გახდა, ტვიტერზე დაწერა, რომ დამწუხრებულია მატჩის გამოტოვებით, მაგრამ თავს ცუდად გრძნობს და გამოჯანმრთელების იმედი აქვს.

ინგლისის თასის მატჩის შემდეგ პორტუგალიელმა ასევე აღიარა, რომ დაზუსტებით არ იცის, ითამაშებს თუ არა პოგბა "სევილიასთან" შეხვედრაში.

მატიჩი შექმნილი ვითარებით ისეთივე გაკვირვებულია, როგორც ნებისმიერი ჩვენგარი და ზუსტ პასუხს ვერ იძლევა იმაზე, თუ რა დაემართა ფრანგ ფეხბურთელს.

"ის მნიშვნელოვანი ფეხბურთელია ჩვენთვის და ამ კლუბისთვის, მაგრამ მიმაჩნია, რომ ნახევარდაცვაში ჩვენც კარგად ვიმოქმედეთ. კერიკი საოცარი მოთამაშეა, 36 წლის ასაკშიც კი ბევრი ირბინა და სკოტმაც გასაოცრად ითამაშა.

წარმოდგენა არ მაქვს, რა მოუვიდა, მაგრამ, როგორც ვიცი, ავად იყო და დღეს თავს ცუდად გრძნობდა, ამიტომ იმედი მაქვს, რომ მომდევნო შეხვედრამდე გამოჯანმრთელდება".

წყარო: M.E.N.