"იუნაიტედის" ბელგიელი ფორვარრდი რომელუ ლუკაკუს თქმით, მისი სურვილია კარიერის დასასრულს საკუთარ სამშობლოში დაბრუნდეს და ბელგიური "ანდერლეხტის" ღირსება დაიცვას.

"მე ყოველთვის ვოცნებობდი "ანდერლეხტში" თამაშზე. შემიძლია პირობა დავდო და ხმამაღლა განვაცხადო, რომ კარიერის დასასრულს აუცილებლად დავბრუნდები ბელგიაში და ამ კლუბის ღირსებას ისევ დავიცავ. "ანდერლეხტში" შესანიშნავი დრო გავატარე რომელიც ყოველთვის მემახსოვრება".- აცხადებს რომელუ ჟურნალისტებისთვის მიცემულ ინტერვიუში.

შეგახსენებთ, რომ ლუკაკუმ "ბელგიურ კლუბში 98 ოფიციალური შეხვედრა ჩაატარა და 41 გოლით შეძლო თავის გამოჩენა, 2011 წელს კი ინგლისს მიაშურა და ლონდონის "ჩელსის" შდემდგენლობაში განაგრძო კარიერა.

ლონდონურ კლუბში რომელუს დიდხანს არ უასპარეზია, ამის შემდეგ იყო "ვესტ ბრომვიჩი" სადაც მან იჯარის წესით ითამაშა. ამის შემდეგ იყო "ევერტონი" სადაც ლუკაკუ ნამდვილ პრემიერ ლიგის ფორვარდად ჩამოყალიბდა. მიმდინარე სეზონში კი ლუკაკუ "წითელ ეშმაკებმა" "ოლდ ტრაფორდზე" იხმეს და 5+1 წლიანი კონტრაქტიც შესთავაზეს.




წყარო: euro-football