ჟოზე მოურინიო "მანჩესტერ იუნაიტედის" ნახევარმცველ სკოტ მაკტომინეის აქებს და პოლ პოგბას გარკვეულ საკითხებზე მიანიშნებს.

სანამ ფრანგი ინგლისის თასის მეხუთე რაუნდის მატჩში "ჰადერსფილდის" წინააღმდეგ ავადმყოფობის გამო უქმობდა, სკოტ მაკტომინეი 4-3-3 სქემაში "იუნაიტედის" მაისურით შესანიშნავად ასპარეზობდა.

პრესა ირწმუნება, რომ პოგბასა და მოურინიოს ურთიერთობა ბოლო დროს დაიძაბა, რაც ხშირ შეცვლებსა და სათადარიგოთა სკამზე დატოვებაში გამოიხატა.

მაკტომინეის შექებისას მოურინიომ მის ცხოვრების სტილზეც გაამახვილა ყურადღება, რაც პოგბას სტილისგან სრულიად განსხვავდება.

"ჰადერსფილდთან" პოგბას არყოფნისა და სხვების შესახებ შეკითხვის დასმის შემდეგ მოურინიომ უპასუხა: "რამდენიმე ფეხბურთელი გვაკლდა, მაგრამ მათ ნაცვლად გვყავდა ფეხბურთელები, რომლებმაც ძალიან, ძალიან კარგად ითამაშეს.

გულახდილად ვფიქრობ, რომ სკოტი უფრო მეტს იმსახურებს, ვიდრე იღებს. იმიტომ, რომ მისი პროფილი ასეთია: ნორმალ ვარცხნილობა, არავითარი ტატუ, არც კარგი მანქანები, არც ძვირფასი საათები. თავმდაბალი ბიჭი, რომელიც კლუბში ცხრა თუ 10 წლის ასაკში მოვიდა.

გასულ სეზონში ლამის დაგვტოვა და წავიდა, ვინ იცის, სად, ვინ იცის, რომელ დივიზიონში იქნებოდა ახლა. ჩვენთან კი შვიდჯერ თუ რვაჯერ ჩაატარა სრული მატჩი. აქ საუბარი არ არის 5 ან 10 წუთზე. შვიდჯერ თუ რვაჯერ ჩაატარა სრული მატჩი ყველა ტურნირზე - პრემიერ ლიგაში, ჩემპიონთა ლიგაზე, ინგლისის თასსა და ქარაბაო თასზე.

ვფიქრობ, ეს ბავშვი ცოტა უფრო მეტს იმსახურებს და ამას იმიტომ ვამბობ, რომ ინგლისის სკოტი აკლია. მე რომ ალექს მაკლიში ვყოფილიყავი, პირველი, რასაც ვიზამდი, ეს სატელეფონო ზარი იქნებოდა და მას ვეტყოდი, "ჩემთან წამოდი".

წყარო: metro