კრის სმოლინგის ბოლო დროინდელი არა დამაჯერებელი თამაშის შემდეგ, გაჩნდა ვარაუდები, რომ მოურინიო ზაფხულში მის გასხვისებას მოითხოვდა. გუნდში არა ერთი ცენტრალური მცველი ირიცხება, გამოცდილი ფილ ჯონსის, ერიკ ბაილისა და ვიქტორ ლინდელოფის სახით, გამოუცდელი მაგრამ ძალიან იმედის მომცემი აქსელ ტუანზებე, რომელიც ჯონ ტერისგან უდიდეს საფეხბურთო განათლებას მიიღებს და მარკოს როხო დეილი ბლინდთან ერთად რომელთაც გამოუვალ სიტუაციაში შეუძლიათ როგორც ცენტრალურ მცველებად დაეხმარონ გუნდს.
გასხვისებაზე გავრცელებულ ინფორმაციებს ავტომატურად მოყვა ვერსიები თუ რომელი გუნდები დაინტერესდებოდნენ სმოლინგის სამსახურით. ასეთად ბრიტანული "დაილი სტარი" "არსენალს" ასახელებს. "მეთოფეებს" აშკარად სერიოზული პრობლემები აქვთ ზოგადად დაცვაში და განსაკუთრებით ცენტრალურ ზონაში. არსენ ვენგერი იძულებულიც კი გახდა ცენტრალურ მცველად ტანდაბალი ნაჩო მონრეალი დაეყენებინა.
ლონდონის "არსენალი" სმოლინგის ალტერნატივად ყოფილ მანჩესტერელს ჯონი ევანსს განიხილავენ და მის შესაძენად ქმედითი ნაბიჯებიც გადადგეს ზამთრის სატრანსფერო ფანჯარაზე, მაგრამ ალან პარდიუმ გუნდის კაპიტანთან განშორება არ ისურვა.
დასახელდა სავარაუდო თანხაც, 25 მილიონი ფუნტი, სწორედ ამ ოდენობის თანხას თვლიან საკმარისად ჟურნალისტები. თუ გავითვალისწინებთ ტობიას ალდერვეირელდის შესახებ გავრცელებულ ჭორებს და ფაქტს რომ სეზონის ბოლოს მისი გამოსასყიდი თანხა სწორედ ზემოთ ხსენებული 25 მილიონი ფუნტი იქნება, "იუნაიტედის" ხელმძღვანელობა დიდი ვარაუდით კმაყოფილი დარჩება მოვლენების მსგავსი განვითარებით.
წყარო: dailystar.co.uk
ჭორები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.