კმაყოფილმა ჟოზე მოურინიომ "ჰადერსფილდ თაუნთან" მოპოვებული გამარჯვების შემდეგ რამდენიმე თემა განიხილა.
"ნიუკასლთან" განცდილი მარცხის შემდეგ "წითლებმა" კომპენსირება მოახერხეს და ინგლისის თასის მეხუთე რაუნდის მატჩში გაიმარჯვეს. რომელუ ლუკაკუმ მეტოქის კარი ორჯერ დალაშქრა და ყველა ტურნირზე თავისი 21-ე გოლი გაიტანა, მაგრამ ხუან მატას მიერ გატანილი ბურთი ვიდეო რეფერიმ გააუქმა და მიზეზი თამაშგარე მდგომარეობა გახდა.
გამარჯვებისთვის ჯილდოდ ტურნირის მომდევნო ეტაპზე "ბრაიტონთან" საშინაო დაპირისპირება იქცა.
მატჩის შემდეგ კი მოურინიომ შემდეგი თემები მიმოიხილა.
რთული მატჩი
"ვიცოდით, რომ რთული იქნებოდა. რთული იყო, მაგრამ კარგად დავიწყეთ. მეორე ტაიმში გატანილი მეორე გოლით, ვფიქრობ, თამაში მოვკალით და იმ მომენტიდან უკვე ჩვენ ვაკონტროლებდით სადავეებს. კარგი კონტრ-შეტევები, ორჯერ გამოყენებული სივრცე. მეკარის პირისპირ ყოფნისას ორჯერ მივიღეთ ცივსისხლიანი გადაწყვეტილება, კარგი დარტყმები, კარგი გოლები, ჩვენთვის მნიშვნელოვანი გოლები."
თასზე პროგრესირებით კმაყოფილი
"ძალიან ბედნიერი ვარ, რომ მეოთხედფინალში გავედით. ბედნიერი ვარ, რომ მატჩი მოვიგეთ, განსაკუთრებით მარცხის შემდეგ. ეს ისეთი თამაში იყო, სადაც ფრე დრამას არ შექმნიდა. მატჩის "ოლდ ტრაფორდზე" გადატანა ჩვენთვის დრამა ნამდვილად არ იქნებოდა."
ქება-დიდება "ჰადერსფილდსა" და "წითლების" მცველებს
"რთული თამაში იყო - მათ სრულიად სხვა მიდგომა ჰქონდათ, ვიდრე პრემიერ ლიგაში. დევიდ ვაგნერმა იცის, რომ პრემიერ ლიგაში დასარჩენად ქულა არ სჭირდება. მან იცის, რომ წინ უნდა იაროს და ასეც მოიქცნენ. პირველი ტაიმის უმეტეს ნაწილში სახიფათოდ გვიტევდნენ. ისინი კარგი დაცვითი სამუშაოს შესრულებას გვაიძულებდნენ - ვიქტორი და კრისი, ჩემი აზრით, ძალიან, ძალიან კარგად გამოიყურებოდნენ რთულ შეხვედრაში. მეორე ტაიმს კი ჩვენ ვაკონტროლებდით. გოლი მაშინ გავიტანეთ, როცა თამაშს ვაკონტროლებდით და მერე მეორე ტაიმის დარჩენილ ნაწილშიც ჩვენ გვეპყრო სადავეები, რაც კარგი იყო."
ითამაშებს პოგბა "სევილიასთან"?
"არ ვიცი პოლის შესახებ. მატჩის წინ ვთქვი, რომ ექიმმა მითხრა დღეს დილას, პოგბა ვერ წამოვიდოდა. გუშინ კარგი ტაქტიკური სესია გვქონდა და შემდეგ ახალი გუნდის მომზადება გახდა საჭირო. უბრალო კურიოზულია, პოლი კერიკმა შეცვალა. პოგბას 4-3-3 სქემაში მარცხნიდან უნდა ეთამაშა. მატიჩი ნომერ ექვსად დადგებოდა, ხოლო სკოტი მარჯვნივ. შემდეგ კი მატიჩი გადავიყვანეთ მარცხნივ, მისი საყვარელი პოზიცია ნამდვილად არ არის და მაიკლმა დაიკავა ექვსიანის პოზიცია. ახლა პოლზე ფიქრის დროა, უნდა გავიგოთ, რა მოხდა და რატომ არ გრძნობდა თავს კარგად, დაგვეხმარება თუ არა ოთხშაბათს. ახლა ინფორმაციას უნდა დაველოდოთ".
ინტერვიუები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.