"მანჩესტერ იუნაიტედი" ინგლისის თასის მეოთხედფინალში "ბრაიტონ ენ ჰოუვ ალბიონს" დაუპირისპირდება" და ნახევარფინალში გამსვლელის ვინაობას "ოლდ ტრაფორდზე" გაარკვევს.
"წითლები" "თოლიებს" 1983 წლის ინგლისის თასის ფინალშიც დაუპირისპირდნენ და მაშინ "იუნაიტედმა" "უემბლიზე" პირველი შეხვედრის 2-2 დასრულების შემდეგ, გამეორებითი მატჩი 4-0 მოუგეს. "ბრაიტონმა", რომელიც პრემიერ ლიგაში ამჟამად მე-14 ადგილს იკავებს, 1986 წლის შემდეგ პირველად გავიდა მერვედფინალში.
"იუნაიტედმა" კრის ჰიუტონის გუნდი პრემიერ ლიგის ეგიდით უკვე დაამარცხა "ოცნების თეატრზე", როცა ეშლი იანგის დარტყმული "თოლიების" მცველ ლიუის დანკის ავტოგოლის შემდეგ ერთადერთი აღმოჩნდა.
"იუნაიტედს" ინგლისის თასის მიმდინარე გათამაშებაში ჯერ გოლი არ გაუშვია და ზედიზედ მეოთხე სეზონში გავიდა მეოთხედფინალში.
"ბრაიოტნთან" შეხვედრას გუნდი 16-დან 19 მარტამდე რომელიმე დღეს გამართავს, რაც იმას ნიშნავს, რომ 18 მარტს პრემიერ ლიგის ეგიდით "ვესტ ჰემთან" დანიშნული მატჩის თარიღი შეიცვლება.
გასულ სეზონში წესებში შეტანილი ცვლილებების გამო მეოთხედფინალში გადათამაშება არ იქნება და გამარჯვებულის ვინაობა "ოლდ ტრაფორდზე" გამოვლინდება.