ჟოზე მოურინიო დარწმუნებული არ არის, რომ პოლ პოგბა ჩემპიონთა ლიგაზე "სევილიას" წინააღმდეგ თამაშს შეძლებს.
"წითელი ეშმაკები" ესპანურ გუნდს ტურნირის მერვედფინალში ხვდებიან ოთხშაბათს საღამოს და შესაძლოა, ფრანგმა გუნდის დახმარება ვერ შეძლოს.
პარასკევს გამართულ პრესკონფერენციაზე მოურინიომ დაადასტურა, რომ "ჰადერსფილდ თაუნთან" სათასო შეხვედრაში პოგბა სასტარტო შემადგენლობაში იქნებოდა, მაგრამ მატჩის დღეს კლუბის ოფიციალურმა საიტმა გაავრცელა ინფორმაცია, რომ ფრანგი ავადმყოფობის გამო ვერ გამოვიდოდა სტადიონზე.
როცა ჟოზეს ჰკითხეს, პოგბა ითამაშებდა თუ არა "სევილიასთან" მატჩში, მან უპასუხა: "არ ვიცი. არ შევხვედრივარ. გუშინ ჩვენთან ერთად ნორმალურად გრძნობდა თავს.
მატჩისთვის მოვემზადეთ, ბოლო ტაქტიკურ დეტალებს, პოზიციურ თამაშს, სტანდარტულ მდგომარეობაზე მოქმედების სქემას განვიხილავდით და ფეხბურთელებს ვუთხარი, თუ ვინ ითამაშებდა.
გუნდში ისიც იყო, მაგრამ დღეს დილას თავს კარგად ვერ გრძნობდა. ავადაა და უნდა მოვიცადოთ, რათა ვნახოთ, რა მოხდება".