ახლა რაც შეეხება უშუალოდ გუნდს, ჩემთვის ოპტიმალური ტაქტიკა არის 4-2-3-1, ვინაიდან ვფიქრობ, რომ დღევანდელ ფეხბურთში შეუძლებელია 2 ცენტრალური ნახევარმცველის გარეშე თამაში მით უმეტეს იმ გუნდებთან, რომლებიც მიჩვეულნი არიან ბურთის გორაობას და ცენტრის კონტროლს. შემადგენლობის დასაკომპლექტებლად მომიხდა რამდენიმე ფეხბურთელის გაშვება და რა თქმა უნდა მოყვანა.

გაყიდული ფეხბურთელები : ჯონი ევანსი (11.5 მილიონი) ანდერსონი (10.5 მილიონი) დარენ ფლეტჩერი (6.6 მილიონი) ტომ კლევერლი (11 მილიონი) ეშლი იანგი (22 მილიონი) და დენი უელბეკი (15 მილიონი). ჯამში მივიღე 74.6 მილიონი და ამას დავუმატოთ 60 მილიონი = 134.6 მილიონს ..

შეძენილი ფეხბურთელები : მაც ჰუმელსი (21 მილიონი) გლენ ჯონსონი (10.5 მილიონი) მარუან ფელაინი (24.5 მილიონი) ლუკა მოდრიჩი (31 მილიონი) გარეტ ბეილი (37 მილიონი). ჯამში 134 მილიონი.

მეკარე .. პირველი მეკარე დავიდ დე ჰეა, რომლის პერსპექტივაზე ლაპარაკი შორს წამიყვანს და ნომერ მეორე მეკარე ლინდეგაარდი, ამ მეკარესთან პრეტენზია არ უნდა ქონდეს არავის, ჩინებული მეორე მეკარე გვყავს, ბევრი გრანდის ძირითადსაც რომ გამოკრავდა ხელს ისეთი.

რატომ გავუშვი ? .. იმის გათვალისწინებით, რომ ევანსი უკვე პატარა ბიჭი აღარაა, მისი პერსპექტივები ნელ-ნელა ქრება და მისი დახვეწა არაფრით არ ხერხდება, ვთვლი რომ მისი გაშვება მართებულია. რაც შეეხება ანდერსონს ყველასთვის სამწყხაროდ იგი ვერ ახერხებს ვერაფრით გამოავლინოს მისი ნიჭი და მონაცემები იმის გამო, რომ თითქმის სულ ტრავმები აწუხებს და არც არასდროს გამოირჩეოდა განსაკუთრებული მონდომებით და შეუპოვრობით, რაც ელემენტარულად მის წონას რომ დააკვირდეთ მარტივად ჩანს. მიუხედავად უდიდესი პატივისცემისა პირადად მე დარენ ფლეტჩერის კარიერის აღარ მჯერა, ყველასთვის კარგად არის ცნობილი რომ მას ძალიან მძიმე დაავდება ქონდა, თითქოს დაძლია მაგრამ საბოლოოდ გამოდის რომ არასდროს არაა მზად სათამაშოდ. ტომ კლევერლის გუნდიდან გაშვება გამოიწვია ჩემ მიერ მოყვანილმა ორმა ფეხბურთელმა. ტომისთვის უბრალოდ აღარ რჩება დრო და ჯობია მივცეთ მას შანსი სხვა გუნდში ითამაშოს ფეხბურთი. ეშლი იანგი არის იმ ფეხბურთელთაგანი, რომლის იმედზე ვერ იქნები, ვთვლი რომ არ არის იუნაიტედის დონის და ამას ემატება ტრავმები ტრავმები და ტრავმები. დენი უელბეკი კი მარტო იმიტომ არ გამიყიდია რომ 15 მილიონი მიმეღო, ვფიქრობ რომ უპრიანი იქნება რომ ეს ბიჭი გადავიდეს სხვა კლუბში და იქ გამოავლინოს ნიჭი, რომელიც მანჩესტერში მინიჭებულ მცირე დროში რთულია გამოავლინო.

რატომ ვიყიდე ? .. გუნდში მოვიყვანე ჩამოხალიბებული ფლანგის მცველი გლენ ჯონსონი, რომელსაც შეუძლია, როგორც ამრცხნივ ისე ამრჯვნივ თამაში და ამით გადავჩერი პრობლემა, რომელსაც რაფაელის ტრავმა იწვევდა, შესაბამისად აღარ მოუწევთ ხან სმოლინგს ხან ფილ ჯონსს მარჯვენა მცველის პოზიციაზე თამაში. რიოს და ვიდიჩს ნელ ნელა ემატებათ ასაკი და შესაბამისად აკლდებათ ფიზიკური მონაცემები, ამიტომ საჭიროა ნელ ნელა მათი ჩანაცვლება. გუნდში არის უპერსპექტიულესი ფილ ჯონსი და ასევე ძალიან კარგი ახალგაზრდა კრის სმოლინგი დავუმატოთ ამას უკვე ჩამოყალიბებული ახალგაზრდა ვარსკვლავი მაც ჰუმელსი და დაცვის ხაზში პრობლემები ნაკლებად სავარაუდოა როგორც ამჟამად ასევე გრძელვადიან პერსპექტივაში. ვფიქრობ იუნაიტედის ყველაზე სუსტი წერტილი ნახევარდაცვის ხაზია, სწორედ ამიტომ გუნდი გავაძლიერე მარუან ფელაინით და ლუკა მოდრიჩით. ჩემი აზრით ეს ორი ფეხბურთელი დაბადებულია ინგლისის პრემიერ ლიგისთვის და იდეალური ტანდემია ინგლისში სათამაშოდ. ამას დავუმატოთ უბრალოდ გენიალურ ფორმაში მყოფი მაიკლ კერიკი და ცენტრალური ხაზიც დაკომპლექტდა. იანგის გუნდიდან წასვლას შევსება დაჭირდა და ტოტენჰემიდან გადმოვიბირე გარეტ ბეილი, რომელიც მეორე სეზონია უკვე იქცა უნივერსალურ ფეხბურთელად და აღარ არის ის უბრალოდ სწრაფი მარცხენა ნახევარმცველი, მას შეუძლია დაიწყოს და დაამთავროს შეტევა როგორც ცენტრიდან ასევე მარჯვნიდან, ასე რომ ნანი ვალენსიას დუეტს ბეილი ტრიოდ აქცევს და შეტევა ბევრად გაძლიერდება.

თავდასხმა: არაფრის შეცვლა არ არის საჭირო, დენი უელბეკის წასვლით გუნდში დარჩა სამი სუპერ თავდამსხმელი, რომლებიც ერთმანეთს შეავსებენ იდეალურად.





P.S .. შემადგენლობის მიღმა დარჩა ერთადერთი ფეხბურთელი ნიკ პაუელი, რომელიც ვარჩიე ტომ ქლევერლის. ტომსა და ნიკის ასაკებს შორის სხვაობა 5 წელია. აი რაც სეეხება სათამაშო კლასს ვფიქრობ პაუელი მომდევნუ 5 წელში გახდება ბევრად კარგი ფეხბურთელი ვიდრე ქლევერლი.