"მანჩესტერ იუნაიტედი" სეზონის დასრულების შემდეგ ნახევარმცველს შეიძენს, რათა მაიკლ კერიკი ჩაანაცვლოს.
36 წლის ინგლისელი მიმდინარე სეზონის ბოლოს კარიერას დაასრულებს და "იუნაიტედის" სამწვრთნელო შტაბში ჩაირიცხება.
გუნდის ძირითადი შემადგენლობის ნახევარმცველებს პოლ პოგბა და ნემანია მატიჩი წარმოადგენენ, მაგრამ მოურინიო არ მალავს, რომ კიდევ ერთ ნახევარმცველს შეიძენს.
"იუნაიტედის" სახელს "ლაციოსა" და "ნიცას" ნახევარმცველებს უკავშირებენ სერგეი მილინკოვიჩ-სავიჩისა და ჟან მიშელ სერის სახით, შესაბამისად.
"ნახევარმცველის დამატება დაგვჭირდება, რდაგან მაიკლ კერიკს ვკარგავთ. რა თქმა უნდა, გუნდში ბალანსი აუცილებელია. ეს ერთი თუ ორი თვის წინ გითხარით, როცა სატრანსფერო ბაზარზე ვლაპარაკობდით. როცა ზოგიერთი თქვენგანი ამბობდა, რომ ამ ფორვარდის, იმ ვინგერის, ამ მარცხენა ვინგერის და იმ მარჯვენა ვინგერის შეძენას ვაპირებდით, მე მაშინ ეს გითხარით.
შეგიძლიათ, ბევრი, ბევრი რამ დამაბრალოთ, მაგრამ ვერ იტყვით, რომ მოგატყუეთ. როცა რამის თქმა არ მინდა, არ ვამბობ. მაგრამ არც სხვა მიმართულებით მიმყავხართ.
ჯერ კიდევ ორი თვის წინ გითხარით, არც თავდამსხმელის და არც ვინგერის შეძენას არ ვაპირებთ, ამის ნაცვლად კი ნახევარმცველს ვიყიდით", - განაცხადა პორტუგალიელმა მწვრთნელმა.