"მანჩესტერ იუნაიტედის" მთავარმა მწვრთნელმა, ჟოზე მოურინიომ განაცხადა, რომ კლუბის ახალგაზრდა ფეხბურთელები პირველ გუნდთან ერთად რეგულარულად ვარჯიშობენ.

ტაჰიტ ჩონგისა და ანხელ გომესის მსგავსი ნიჭიერი ფეხბურთელები ბოლო პერიოდში პირველ გუნდთან ერთად გადიან წვრთნებს - მსგავსად სკოტ მაკტომინეისა, რომელმაც მიმდინარე სეზონში უკვე 12 მატჩი ჩაატარა.

ინგლისის თასის მატჩის წინ გამართულ პრესკონფერენციაზე მწვრთნელს ჰკითხეს, ჩონგისა და გომესის მსგავსი ახალგაზრდა ფეხბურთელები, რომლებიც ასაკობრივ გუნდში კარგად თამაშობენ, თუ მიიღებდნენ პირველ გუნდში დაწინაურების საშუალებას.

"გააჩნია, დაწინაურებაში რას გულისხმობთ. თუ ამაში იგულისხმეთ, რომ ჩვენთან ერთად უნდა ვარჯიშობდნენ, მაშინ დიდი ხანია დაწინაურებულები არიან.

სკოტ მაკტომინეი მთვარიდან არ ჩამოსულა. სანამ პირველ გუნდში ითამაშებდა, ჩვენთან ერთად გასულ სეზონში ბევრჯერ ივარჯიშა. ჩვენთან წინასასეზონო ტურნეზე მოვიდა და მე გავაცნობიერეთ, რომ ანდრეს პერეირა ზაფხულში გვტოვებდა, ამიტომ გადავწყვიტეთ: "კარგი, სხვა ფეხბურთელის შეძენას არ ვაპირებთ, ჩვენ სკოტ მაკტომინეი გვყავს, რომელიც მზადაა", - უპასუხა მოურინიომ.

ინგლისის თასის მეხუთე რაუნდის შეხვედრა, შესაძლოა, მორიგი შანსი იყოს ახალგაზრდა ფეხბურთელებისთვის და მათ 17 წლის გომესის ბედი გაიზიარონ, რომელმაც "იოვილ თაუნთან" მატჩში შეცვლაზე შესვლის შედეგად ითამაშა.

"შესაძლოა, სათადარიგოთა სკამზე ერთ-ერთი ბავშვი მყავდეს. ისეთი შემადგენლობის ყოლა, რომელიც ძალიან ღრმა არ არის, სწორედ ამას ისახავს მიზნად. მაგალითად, ამ კვირაში არ გვყავდა რამდენიმე მოთამაშე ტრავმისა და იმ პატარა მიზეზით, რის გამოც მათი მოფრთხილება მინდოდა.

ეს ბავშვები კი ჩვენთან ერთად ვარჯიშობდნენ. პარასკევს არა, რადგან დღეს მატჩი აქვთ, მაგრამ წინა დღით და ოთხშაბათს ჩვენთან ერთად ივარჯიშეს".

წყარო: manutd.com