მალკომმა, რომელიც პრემიერ ლიგის წამყვანი კლუბების სამიზნეა, განაცხადა, რომ "ბორდოს" მიმდინარე სეზონის ბოლოს დატოვებს.
ბრაზილიელ ფეხბურთელს ინგლისის პრემიერ ლიგაში გადასვლას ჯერ კიდევ იანვარში უწინასწარმეტყველებდნენ. მისი შეძენის ნომერ პირველი კანდიდატი კი "ტოტენჰემი" იყო, რომელიც ფეხბურთელის კონტრაქტს გამოისყიდდა, მაგრამ "ბორდოში" სეზონის ბოლომდე იჯარის წესით დატოვებდა.
პრესა ასევე ავრცელებდა ინფორმაციას, რომ მალკომით "არსენალი" და "მანჩესტერ იუნაიტედიც" იყვნენ დაინტერესებული, მაგრამ "ბორდოს" მთავარი მწვრთნელის პოსტის დაკავებისას გუსტავო პოიეტმა კლუბის ხელმძღვანლობისგან მიიღო პირობა, რომ შემტევს სეზონის შუა ნაწილში არ გაყიდდნენ.
ახლა კი "ბორდოს" მფლობელებს პირობის მიცემა არა მარტო მწვრთნელისთვის, არამედ ფეხბურთელისთვისაც მოუხდათ. ლიგა 1-ის კლუბი ამომავალ ვარსკვლავს დაპირდა, რომ სეზონის ბოლოს მის ტრანსფერს წინ არ აღუდგება და 20 წლის ფეხბურთელს სხვა კლუბში გადასვლის უფლებას მისცემს.
"დიახ, ამას დამპირდნენ და ივნისში ყველაფერზე მოვილაპარაკებთ. მე გუნდს ავირჩევ, "ბორდო" კი წასვლის უფლებას მომცემს.
უკვე ვთქვი, რომ ზამთარში ახალი გამოწვევისთვის სხვა კლუბის გადასვლა მინდოდა. მაგრამ არ უნდა დამავიწყდეს, რომ "ბორდო" ძალიან დამეხმარა. "ბორდოს" დავპირდი, რომ ახალი კლუბის არჩევამდე მის შემადგენლობაში ვითამაშებდი. უახლოეს სამ-ოთხ თვეში ბევრი რამ შეიცვლება", - განაცხადა ფეხბურთელმა.
ახალი ამბები, ინტერვიუები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.