ზლატან იბრაჰიმოვიჩი უკვე ემზადება "მანჩესტერ იუნაიტედის" დასატოვებლად და ბევერლი ჰილზში სახლს ეძებს.

"ლოს-ანჯელეს გელექსი" მთავარი ფავოროტია იბრაჰიმოვიჩის შეძენაში, რომელსაც მოქმედი კონტრაქტი მიმდინარე სეზონის ბოლოს ეწურება.

შვედი ფორვარდის ოჯახის წევრები კალიფორნიაში უძრავ ქონებას ათვალიერებენ, რათა MLS-ში მისი გადასვლისთვის მოემზადონ.

36 წლის ფეხბურთელს ბოქსინგ დეიზე "ბარნლისთან" მატჩში მიღებული ტრავმის შემდეგ არ უთამაშია, მაგრამ უკვე ახლოსაა მოედანზე დაბრუნებასთან.

შვედთან დაახლოებული წყარო ამტკიცებს, რომ იგი ფორმაში მალე ჩადგება და "იუნაიტედის" მიმდინარე სეზონზე გავლენას მოახდენს, ჩემპიონთა ლიგაზე პროგრესირება კი ზლატანისთვის ძალიან მნიშვნელოვანია.

"გელექსის" მფლობელებს სურთ, იბრაჰიმოვიჩი აშშ-ს საფეხბურთო ჩემპიონატის ისტორიაში ყველაზე მაღალანაზღაურებად ფეხბურთელად აქციონ.

წყარო: dailymail