პოლ პოგბას ცუდი რეაქცია ჰქონდა ალექსის სანჩესის "მანჩესტერ იუნაიტედში" გადასვლაზე და მასზე გაბრაზებულია, რადგან ახლა უფრო მეტი დაცვითი ფუნქციების შესრულება უხდება.
ფრანგ ნახევარმცველს რთული კვირები ჰქონდა, რომლის განმავლობაშიც "ტოტენჰემსა" და "ნიუკასლთან" მატჩის მიმდინარეობისას მოედნიდან გაიყვანეს, ხოლო "ჰადერსფილდთან" შეხვედრაში ვერ მოხვდა სასტარტო თერთმეტეულში, რომელმაც გაიმარჯვა.
პოგბას ხშირად აკრიტიკებენ დაცვითი ვალდებულებების ცუდად შესრულებაში და თავად ფეხბურთელმა ჟოზე მოურინიოს ფორმაციის შეცვლაც კი სთხოვა, რათა უფრო პროდუქტიული გახდეს.
მედიაში კი უკვე იმის შესახებაც იწერება, რომ პოლის ეგო იანვარში სანჩესის მისვლამ დააქვეითა.
ფრანგი ფეხბურთელის ბანაკში მიაჩნიათ, რომ "იუნაიტედი" მის ირგვლივ უნდა აგებდეს თამაშს, მაგრამ ამის ნაცვლად აქცენტი ახალწვეულ სანჩესზე კეთდება, რაც უკმაყოფილოს ტოვებს თავად ფეხბურთელს.