მარუან ფელაინი, რომელსაც ტოტენჰემთან შეცვლაზე გამოსვლიდან მალევე მოუწია ტრამვის გამო გასახდელში დაბრუნება, კონტრაქტით გათვალისეინებულ ბოლო თვეებს ატარებს "იუნაიტედის" რიგებში. ბელგიელი ნახევარმცველი რომელიც დევიდ მოიესს "ევერტონიდან" გამოყვა, კლუბთან ახალ კონტრაქტზე შეთანხმებას ვერ ახერხებს.

გავრცელებული ინფორმაციით ჟოზე მოურინიო პირადად იყო ინიციატორი გაუმჯობესებული კონტრაქტის, მაგრამ ბელგიელის აგენტს ყოველ კვირეულ ანაზღაურებად 150 000 ფუნტი ეცოტავა და პასუხად კვირაში 170 000-იანი მოთხოვნა წაუყენა. მიუხედავად იმისა, რომ თანხებს შორის სხვაობა ასტრონომიული არაა, ვუდვორდი ზედმეტად თვლის ბელგიელის აგენტის ულტიმატუმს.(მაგალითისთვის შეგახსენებთ ინგლისური "პრემიერ ლიგის" ბოლო ორი და მოქმედი გათამაშების ბომბარდირი და ერთერთი საუკეთესო მოთამაშე ჰარი კეინი მხოლოდ და მხოლოდ 110 000-იანი გასამრჯელოს სანაცვლოდ ასრულებს მასზე დაკისრებულ ვალდებულებას)

მოლაპარაკების ჩიხში შესვლის შემდეგ, იმატა დაინტერესებული კლუბების რაოდენობამ. განსაკუთრებულად თურქული გრანდები "ფენერბახჩე" და "ბეშიქთაში" აქტიურობენ. "ფენერბახჩეს" უპირატესობა, "იუნაიტედთან" უკვე ორ გზის თანამშრომლობაა სატრანსფერო საკითხებში, ლუიშ ნანიმ და რობინ ვან პერსიმ სწორედ მათ რიგებში გააგრძელეს კარიერა. "ბეშიქთაში" კი მიმდინარე სეზონში ჩემპიონთა ლიგაზე კარგი ასპარეზობით იწონებს თავს და ჩენიქ თოსუნის "ევერტონში" გასხვისებისთვის მიღებული თანხით სერიოზული წლიური ანაზღაურების შეთავაზებით აპირებს მარუანის მოხიბვლას.

მაიკლ კერიკის შემდეგ ფელაინი მეორე ცენტრალური ნახევარმცველი გახდება რომელიც "იუნაიტედის" რიგებს დატოვებს და კიდევ უფრო გაზრდის ახალი მოთამაშის დამატების აუცილებლობას.

წყარო: fotomac.com.tr