"მანჩესტერ იუნაიტედში" იმედოვნებენ, რომ მარკუს რეშფორდი ინგლისის თასის ეგიდით "ჰადერსფილდთან" მატჩში მონაწილეობას შეძლებს.

3 თებერვალს "ოლდ ტრაფორდზე" პრემიერ ლიგის ეგიდით "ჰადერსფილდის" დამარცხებისას მიღებული ტრავმის გამო რეშფორდმა "ნიუკასლ იუნაიტედთან" შეხვედრა გამოტოვა.

როგორც მოსალოდნელია, კვირას საღამოს ინგლისელი მოედანზე გასვლას და ინგლისის თასის მეხუთე რაუნდში თამაშს შეძლებს.

თუმცა, იქნება თუ არა განაცხადში, ეს გუნდის მთავარი მწვრთნელის გადასაწყვეტი იქნება. შესაძლოა, მოურინიომ მისი მოფრთხილება და ჩემპიონთა ლიგისთვის თავის დაზღვევა მოინდომოს.

მიუხედავად ტრავმისა, 20 წლის ფეხბურთელი ტაინსაიდზე მაინც ახლდა გუნდს, რადგან ინგლისის ნაკრების მაისურის წარდგენაში მონაწილეობა უნდა მიეღო.

მიმდინარე სეზონში პირველი შემთხვევა იყო, რომ მარკუსი განაცხადს მიღმა დარჩა, მაგრამ ეს მხოლოდ ერთი მატჩის განმავლობაში გაგრძელდება.

"ჰადერსფილდთან" მატჩის შემდეგ "იუნაიტედი" ჩემპიონთა ლიგის მერვედფინალში "სევილიას" დაუპირისპირდება, რის შემდეგაც სახლში "ჩელსის" უმასპინძლებს.

არის იმის იმედიც, რომ მოედანზე დაბრუნება მოახერხოს ანდერ ერერამ, რომელმაც ასევე გამოტოვა "ჰადერსფილდთან" მატჩი.

ნახევარმცველის მდგომარეობას მიმდინარე კვირაში გადაამოწმებენ და გადაწყდება, შეძლებს თუ არა "სევილიასთან" მატჩის წინ ვარჯიშს.

წყარო: espn