2014 წლის შემდეგ, რაც დავიდ დეხეამ არნახული პროგრესი განიცადა, არ ჩაუვლია არცერთ სატრანსფერო ფანჯარას, მასსა და ''მადრიდის რეალზე'' აგორებული ჭორების გარეშე. 2015 წლის 31 აგვისტოს ყველაფერი ფაქტიურად გადაწყვეტილი და გარკვეული იყო, ესპანელი სამშობლოში ბრუნდებოდა, მაგრამ ტრანსფერი კურიოზული მიზეზით ჩაიშალა. ცნობილი ''ფაქსის ამბის'' შემდეგ დავიდმა კონტრაქტი 2019 წლამდე, გაუმჯობესებული პირობებით მიიღო.

უკანასკნელ დღეებში მოურინიომ არაერთხელ გაუსვა ხაზი, რომ ისეთი დონის მოთამაშეს, როგორიც დავიდია, გუნდი არავითარ შემთხვევაში არ გაუშვებდა. გამონაკლის შემთხვევაში კი გუნდი მის სანაცვლოდ მინიმუმ 120 მილიონიან შეთავაზებას მიიღებდა, რაც მსოფლიოს ყველაზე ძვირადღირებულ გოლკიპერში გადახდილ თანხას სამჯერ აღემატება.

თუ ''ექსპრესს'' ვენდობით, ფლორენტინო პერესი იძულებული გახადა ხელი აეღო დე ხეაზე და გადაერთო მეორე ექს-ატლეტიკოელ კურტუაზე. რომელმაც თავის მხრივ, ამ ჭორებს კიდევ უფრო მეტი რეალობა შემატა და განაცხადა, რომ ენატრება მადრიდი, სადაც მისი ოჯახი ბედნიერად ცხოვრობს და საცხოვრებელი ადგილის შეცვლას არ აპირებს.

აქამდე გავრცელებული ინფორმაციით, შორს არაა დღე როდესაც კლუბის ოფიციალური საიტი ოფიციალურად დაადასტურებს დე ხეასთან 2021 წლამდე გახანგრძლივებულ კონტრაქტს და საბოლოო წერტილს დაუსვამს ყოველგვარ მითქმა-მოთქმას.



წყარო: www.express.co.uk