"წითელი ეშმაკები" დაცვის ხაზს აკვირდებიან.
ჟოზე მოურინიოს მიერ აქამდე გაკეთებული განცხადების თანახმად, "იუნაიტედი' ზაფხულის სატრანსფერო ფანჯრის დროს შემტევ ფეხბურთელს არ დაიმატებს, რადგან, მისი აზრით გუნდში შეტევითი პოტენციალის ფეხბურთელები მრავლად არიან. აქედან გამომდინარე, პორტუგალიელს ნახევარდაცვისა და დაცვის ხაზის გაძლიერება სურს.
რაც შეეხება დაცვის ხაზს, აქ "წითელ ეშმაკებს" "ბარსელონას" ფრანგი მცველი სამუელ უმტიტი სურთ. გარდა "იუნაიტედის" ინტერესისა, ფეხბურთელის დამატებით კიდევ ერთი პრემიერლიგური გუნდია დაინტერესებული. კერძოდ, უმტიტი ლონდონის "ჩელსისაც" სურს.
როგორც ცნობილი გამოცემა Don Balon- იუწყება, აბრამოვიჩი მზად არის მცველის სანაცვლოდ კატალონიელებს 60 მილიონი ევრო გადაუხადოს, ხოლო თავად ფეხბურთელს კი ხელფასის სახით შესანიშნავ ციფრს შესთავაზებს, რის შედეგადაც უმტიტი ყველაზე მაღალანაზღაურებადი მცველის სტატუსს მიიღებს მთელ მსოფლიოში.
აქედან გამომდინარე შეიძლება ითქვას, რომ "წითლებს" "ჩელსის" სახით სერიოზული მოწინაღმდეგე ყავთ. აღსანიშნავია ისიც, რომ რომან აბრამოვიჩის გარდა ფეხბურთელის დამატების სურვილს პარიზული გუნდიც გამოთქვამს. მომავალი სატრანსფერო ფნჯარა უმტიტისთვის ნამდვილი ციებ ცხელების გარეშე ნამდვილად არ ჩაივლის.
წყარო:
euro-football