ჟოზე მოურინიომ დაადასტურა, რომ ანდერ ერერამ და მარკუს რეშფორდმა "ნიუკასლთან" მატჩი ტრავმის გამო გამოტოვეს.

ენერგიული დუეტი ტაინსაიდზე ვიზიტისას გუნდის განაცხადში ვერ მოხვდა და მწვრთნელმა დაადასტურა, რომ ამის მიზეზი კუნთოვანი ტრავმა გახდა.

"ორივე ტრავმირებულია, მაგრამ არა მგონია, სერიოზული ტრავმა იყოს. მოვიცადოთ და ვნახავთ. როცა კუნთში სიმწვავეს გრძნობ, სანამ დანამვდილებითი ინფორმაცია არ გექნება, წინასწარ ვერაფერს იტყვი. თუმცა, დღეს ნამდვილად ვერ ითამაშებდნენ", - განაცხადა პორტუგალიელმა.

მიმდინარე სეზონში პირველი შემთხვევაა, რომ რეშფორდი "იუნაიტედის" განაცხადში არ არის.

გუნდის მომდევნო შეხვედრა 17 თებერვალს, ინგლისის თასზე "ჰადერსფილდთან" გაიმართება და შესაძლოა, ერერა და რეშფორდი ამ მატჩში დაბრუნდნენ.

წყარო: manutd.com