ჟოზეს მორიგი მინიშნება გვარდიოლას მისამართით.
ჟოზე მოურინიო თავისი კოლეგის მსგავსად ტირილს არ დაიწყებს იმისათვის, რომ ალექსის სანჩესს გაუფრთხილდეს.
ჩილელ ფეხბურთელს გასულ შაბათს "ოლდ ტრაფორდზე" "ჰადერსფილდმა" მძიმე მატჩი არგუნა, როცა შვიდჯერ დაჯარიმდა მის წინააღმდეგ.
"არსენალიდან" "იუნაიტედში" გადასვლის შემდეგ ჩატარებულ სამ მატჩში მოწინააღმდეგეები 15-ჯერ დაჯარიმდნენ სანჩესის წინააღმდეგ, რაც ნიშნავს, რომ საშუალოდ ყოველ 17 წუთში ერთხელ ირღვევა მასზე თამაშის წესები.
მაგრამ მაშინ, როცა "მანჩესტერ სიტის" მწვრთნელი პეპ გვარდიოლა თავისი შეგირდების დასაცავად მსაჯებს საჯაროდ მიმართავს, ფეხბურთელებს გაუფრთხილდნენ და უფრო მკაცრი ზომები მიიღონ, მოურინიო ფიქრობს, რომ საფეხბურთო კულტურის მშვენიერება სწორედ ამგვარ სირთულეშია.
"ალბათ სანჩესის მწვრთნელმა უფრო ხშირად უნდა იტიროს. არ ვიცი. მე ყოველთვის მომწონდა ინგლისური ფეხბურთი. ჩემი აზრით, ინგლისურ ფეხბურთს აქვს გარკვეული კულტურული მემკვიდრეობა და ტრადიცია, რაც ქმნის დონეს, რომელიც ძალიან მომწონს.
ალბათ უფრო ხშირად უნდა ვიტირო, რომ ჩემი ფეხბურთელები დავიცვა, რადგან ყველა დაინახავდით, როგორც დახვდნენ სანჩესს.
"ჰადერსფილდთან" მატჩში რამდენიმე ძალიან უხეში ჯარიმა იყო და მსაჯებმა უნდა... არ მიყვარს სიტყვა "დაცვა", რადგან ისე ჟღერს, თითქოს მათ მხოლოდ ტოპ-ფეხბურთელები უნდა დაიცვან, მოედანზე კი ყველა თანასწორია.
მწვრთნელებმა არ უნდა ილაპარაკონ იმაზე, რომ მსაჯებმა ფეხბურთელებზე უნდა იზრუნონ, ისინი ამას ისედაც აკეთებენ.
მსაჯებმა იციან თამაშის წესები და იციან, ბარათი საჩვენებელია თუ არა. ისინი ამას აკონტროლებენ. რა გინდათ, რომ მცველებმა გააკეთონ? ტოპ-ფეხბურთელებს თავისუფლად თამაშის საშუალება მისცენ?
ეს არის თამაშის მახასიათებელი - რაც უფრო მეტად ხარ ჩართული, მით მეტად ამოგიღებენ მიზანში. შენ გეშინია ყველაზე ნიჭიერი ფეხბურთელების და ნორმალურია, რომ მათ მიმართ განსაკუთრებული მიდგომაა.
მსაჯებმა კი ყველა ფეხბურთელი ერთნაირად და ერთნაირი წესებით უნდა განსაზღვრონ.
ეს არის მშვენიერება, არა? ეს მართლაც ლამაზია. ამ ქვეყანაში ინტენსიურობა დიდებული რამეა და აგრესიაც დიდებულია.
მსაჯი კი იმისთვისაა, რომ ნორმალური აგრესია ძალიან სახიფათოსგან გაარჩიოს.
ზოგჯერ ისინი შეცდომას უშვებენ, მაგრამ გამონაკლისი შემთხვევებია და კულტურა, რომელსაც ისინი ნერგავენ, ასევე ფეხბურთის ნაწილია".წყარო:
mirror