ჟოზე მოურინიო "მანჩესტერ იუნაიტედის" ახალი შვიდიანის გამოცდილებითა და მენტალიტეტით კმაყოფილებას არ მალავს და "ნიუკასლთან" მატჩის წინ ჩილელს აქებს.

ალექსისმა თავისი პირველი გოლი "იუნაიტედის" მაისურით უკვე გაიტანა "ჰადერსფილთან" მატჩში, სადაც საუკეთესო ფეხბურთელად დასახელდა.

პარასკევს სავარჯიშო კომპლექსზე გამართული მატჩის წინა პრესკონფერენციისას კი მწვრთნელს ჰკითხეს, ალექსის სანჩესის რომელი უნარი მოსწონდა ყველაზე მეტად, რაზეც უპასუხა:

"მისი მენტალიტეტი. მომწონს ჩემს გუნდში ისეთი ფეხბურთელის ყოლა, რომელიც 91-ე წუთზე ბურთს კარგავს და არ ჩერდება იმისთვის, რომ უკან დაიბრუნოს - მაშინაც კი, როცა ისეთი დაღლილია, როგორც "ჰადერსფილდთან" შეხვედრის ბოლო წუთებზე იყო.

ფეხბურთში ძალიან მნიშვნელოვანი მომენტია, როცა შენი გუნდი ბურთს კარგავს და შენ ამაზე აფეთქდები, იმისთვისაც კი მზად ხარ, რომ მოწინააღმდეგემ რამე გატკინოს. ამიტომ, როცა გუნდში გყავს ფეხბურთელი, რომელსაც "მე შეცდომა დავუშვი ან ბურთი დავკარგე და ახლა უკან უნდა დავიბრუნო" მენტალიტეტი აქვს, ძალიან მნიშვნელოვანია. მთელი ეს შერწყმა - მისი გამოცდილება, მისი ნიჭი, მისი მენტალიტეტი - სანჩესს აქცევს ჩემთვის საყვარელ ფეხბურთელად".

ალექსისმა თავისი გოლების ანგარიში "ჰადერსფილდთან" მატჩში 11 მეტრიანის დანიშვნის შემდეგ გახსნა. შეხვედრის 68-ე წუთზე მეტოქეთა მცველმა მაიკლ ჰეფელმა სწორედ სანჩესი წააქცია საჯარიმოში, თუმცა მის მიერვე დარტყმული პენალტი იონას ლიოზლმა მოიგერია, რის შემდეგაც ჩილელმა დამატებაზე იმარჯვა და პირველი გოლი გაიტანა.

"იუნაიტედის" შვიდიანმა ასევე მოიპოვა 7 ჯარიმა - პრემიერ ლიგის მიმდინარე სეზონის ერთ მატჩში კი ამდენი ჯარიმა არცერთ ფეხბურთელს არ გამოუმუშავებია.

"ყველამ ნახეთ, როგორც დაუხვდნენ ალექსისს მეტოქეები. მასთან თამაში რთულია, ძალიან მოქნილი ბიჭია, ყველაფერს უმკლავდება. თავი გაართვა იოვილში რთულ პირობებში მის წინააღმდეგ რამდენიმეჯერ წესების დარღვევასც და ასევე "ჰადერსფილდთან".

წყარო: manutd.com