ჟოზე მოურინიოს მიაჩნია, რომ მიმდინარე სეზონში პრემიერ ლიგის ყველაზე დისციპლინირებული მწვრთნელის ჯილდო უნდა გადაეცეს.
2004 წელს პრემიერ ლიგაში გამოჩენის მომენტიდან მას ხშირად ჰქონდა სხვადასხვა ინციდენტი მოედნის კიდესთან. მოურინიო ეკამათებოდა თავის კოლეგებსა და მსაჯებს, რის გამოც არაერთხელ დასჯილა.
თუმცა, 55 წლის მწვრთნელი აცხადებს, რომ ამის გამოსასწორებლად მუშაობა დაიწყო და მიაჩნია, რომ ახლა გაცილებით უფრო თავშეკავებული გახდა.
"მიზნად ვისახავ, მიმდინარე სეზონში მოედნის კიდესთან საუკეთესო მოქცევისთვის ჯილდო მოვიგო. სერიოზულად გეუბნებით!
ბევრი ჯილდო არსებობს: კვირის საუკეთესო ასპარეზობა, თვის საუკეთესო მწვრთნელი, ესა თუ ის - მაგრამ პრემიერ ლიგის ყველაზე დისციპლინირებული მწვრთნელის გამოსავლენად მეოთხე მსაჯებმა უნდა მიიღონ მონაწილეობა გამოკითხვაში.
პრაქტიკულად დარწმუნებული ვარ, რომ ამ ჯილდოს მე მოვიგებდი. ამას სერიოზულად გეუბნებით! მეოთხე მსაჯისთვის არავითარი პრობლემა არ შემიქმნია, გარდა "საუთჰემპტონთან" მიღებული წითელი ბარათისა, როცა მოედანზე დავაბიჯე.
სერიოზულად ვამბობ. ჩემს თავზე ვმუშაობ და კმაყოფილი ვარ ჩემი ქმედებებით. იმას არ ვგულისხმობ, რომ თვითკონტროლს არ ვკარგავ. ასეთი რამ ცალკეულ მატჩში ხდება, იდეალური არ ვარ.
ცუდიდან იდეალურში უცებ ვერ გარდავისახები, არავითარ შემთხვევაში, მაგრამ ვცდილობ, ბევრს ვშრომობ და კმაყოფილი ვარ, როგორც გამომდის", - განაცხადა მოურინიომ.