"მანჩესტტერ იუნაიტედისა" და ირალნდიის ნაკრების ყოფილი ნახევარმცველი ლიამ მილერი 36 წლის ასაკში გარდაიცვალა.

ლიამმა კარიერა "სელტიკში" დაიწყო და 2004 წელს "ოლდ ტრაფორდზე" გადაბარგდა. გუნდში თავის დამკვიდრება ვერ მოახერხა და საერთო ჯამში მხოლოდ 22 მატჩი ჩაატარა, რომელშიც 2 გოლი გაიტანა. 2 წლის შემდეგ იგი "სანდერლენდის" ფეხბურთელი გახდა.

მილერმა ირლანდიის ნაკრებში 21 მატჩი ჩაატარა, საკლუბო მასშტაბით კი იგი ასევე იცავდა "სელტიკის", "რეინჯერსის", "ლიდსის", ქპრ-სა და "ჰიბერნიანის" ფერებს.

ლიამმა თავისი კარიერა 2016 წელს აშშ-ში დაასრულა, მანამდე კი სამ ავსტრალიურ და ერთ ირლანდიურ კლუბ "კორკ სიტიში" ითამაშა.

2017 წლის ნოემბრის მიწურულს ფეხბურთელს სიმსივნე დაუდგინეს და მკურნალობას აშშ-ში იტარებდა, სადაც 2018 წლის 9 თებერვალს, თავის დაბადების დღემდე 4 დღით ადრე გარდაიცვალა.