მარკუს რეშფორდი "მანჩესტერ იუნაიტედში" თავისი უნივერსალურობის გამო ისჯება.
ეს არის მოსაზრება, რომელსაც "ოლდ ტრაფორდის" მკვიდრთა ყოფილი ნახევარმცველი, გორდონ სტრაჩანი იზიარებს ახალგაზრდა ფორვარდის მომავალთან დაკავშირებით.
რეშფორდს მიმდინარე სეზონში შერეულად მისდის თამაში მიუხედავად იმისა, რომ ჟოზე მოურინიოს გუნდში ყველაზე ხშირად მოთამაშე ფეხბურთელებს შორისაა.
მაგრამ ის ასპარეზობდა არა ერთ, არამედ რამდენიმე პოზიციაზე - მარცხენა ვინგერის პოზიციაზე მისი კონკურენტი ენტონი მარსიალია, ხოლო მარჯვენა ვინგერად, ცენტალურ ფორვარდად და მეორე ფორვარდად სხვადასხვა კონკურენტები ჰყავს.
შოტლანდიელ ყოფილ ფეხბურთელს მიაჩნია, რომ სწორედ ეს არის მიზეზი, რის გამოც რეშფორდი თავის პოტენციალს ბოლომდე ვერ ავლენს და სასტარტო შემადგენლობის წევრი არ არის. "მისი პრობლემა ის არის, რომ რამდენიმე პოზიციაზე თამაშობს. ამჟამად მან ისიც კი არ იცის, რომელ პოზიციაზე ასპარეზობს ყველაზე უკეთ.
ჟოზე მოურინიოს "მანჩესტერ იუნაიტედში" კი საეჭვოა, რომ თავდასხმის ხაზში იმ დიდ ბიჭს შეელიოს. არა მგონია, მარკუსი ასეთი ტიპის ფეხბურთელი იყოს.
შეუძლია მარჯვნივ და მარცხნივ თამაში? ნამდვილად შეუძლია. შეუძლია 10 ნომრად თამაში? არ ვიცი. ამ დროს კი უნდა იცოდე, რომელია შენი საუკეთესო პოზიცია.
ზოგიერთი ფეხბურთელი ამბობს, "მე მხოლოდ აქ ვითამაშებ", ზოგიერთი კი სხვაგან თამაშზე გამოთქვამს პრეტენზიას. მაგრამ მას რამდენიმე პოზიციაზე შეუძლია თამაში".