"მანჩესტერ იუნაიტედის" მთავარმა მწვრთნელმა ჟოზე მოურინიომ დაადასტურა, რომ ლუკ შოუ ახალ კონტრაქტს მიიღებს და წლების განმავლობაში იქნება "წითლების" ფეხბურთელი.
პორტუგალიელი სპეციალისტის მისვლის შემდეგ შოუს თავდაპირველად ძალიან გაუჭირდა თავის დამკვიდრება, მაგრამ შემდეგ მოვლენების სხვაგვარად წარმართვა შეძლო და მწვრთნელის სიმპატია დაიბრუნა.
მოურინიო შოუსა და ეშლი იანგს მარცხენა ფლანგზე მონაცვლეობით იყენებს და ახალგაზრდა ინგლისელის თამაშით კმაყოფილი რჩება.
შოუს მოქმედი კონტრაქტი მიმდინარე სეზონის ბოლოს უნდა ამოწურულიყო, მაგრამ "იუნაიტედმა" კონტრაქტში არსებული პუნქტი აამოქმედა და შეთანხმება კიდევ ერთი წლით გაახანგრძლივა.
ამან ბოლო მოუღო საუბრებს იმის შესახებ, რომ "იუნაიტედი" ახალი მარცხენა მცველის შეძენას აპირებდა და ახლა ჟოზე ფეხბურთელისთვის უფრო სასიამოვნო ინფორმაციას ავრცელებს.
"ლუკის შემთხვევაში საქმე ჩემი დამოკიდებულების შეცვლაში არ იყოს. მის შემთხვევაში საკითხი იდგა პოტენციალის განვითარებაში ან ვერ განვითარებაში, ან როგორც ჟურნალისტებს გიყვართ თქმა, გაფურჩქნვაში. მხოლოდ ეგ არის. რადგან მე ვიცნობ შოუს იმ დღიდან, როცა "საუთჰემპტონში" მოვიდა, ვიცი მისი ნიჭი და უნარები.
გაყვა თუ არა ჩემს მითითებებს და არის თუ არა ისეთი, როგორიც მე მინდა, რომ ჩემი ფეხბურთელი იყოს? არა მარტო მოედანზე, არამედ ვარჯიშებზეც ამას ავლენს და თან დიდი თავდადებით.
ის ახლა კიდევ რამდენიმე თვით შორსაა მისი მძიმე ტრავმისგან, რომელიც განვითარებას ხელს უშლის და მე მართლაც ბედნიერი, რისი ნაყოფიც ის იქნება, რომ ახალ კონტრაქტს მიიღებს და წლების განმავლობაში დარჩება "იუნაიტედის" ფეხბურთელად", - განაცხადა მოურინიომ.
ახალი ამბები, ინტერვიუები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.