თავდამსხმელმა განაცხადა, რომ შაბათს "ფულჰემის" კარში გატანილმა გოლმა, მას გაახსენა კრისტიანო როლადოს ასეთივე გოლი, სწორედ ამ სტადიონზე, ამ კლუბის წინააღმდეგ. 79–ე წუთზე რუნის გოლმა, "წითელ ეშმაკუნებს" მინიმალური გამარჯვება მოაპოვებინა და კლუბს დაეხმარა ქულათა სხვაობის, ორ მანჩესტერულ კლუბს შორის ცხრამდე გაზრდაში.
ამ სტადიონზე, 2007 წლის თებერვალში, გაიტანა გოლი რონალდომ , რომელიც სულ მალე შეხვდება უეინ რუნის, ჩემპიონთა ლიგის გასამართ მატჩზე. იმ გოლის შემდეგ "იუნაიტედმა" პრემიერ ლიგა მოიგო. უეინი კი იმ სცენარის განმეორებაზე ოცნებობს.
"ჩემი გოლი ძალიან ჰგავს იმ გოლს, რომელიც რონალდომ გაიტანა. იმ გოლის შემდეგ ჩვენი ქულათა სხვაობა გაიზარდა და ჩემპიონებიც გავხდით. ვიმედოვნებ, ეს კიდევ განმეორდება"
"როდესაც თქვენს მოწინააღმდეგეს წაგებისგან გაექცევით, ცდილობთ ამ ყველაფერს ანალიზი გაუკეთოთ და მოიფიქროთ, თუ როგორ განავითაროთ შემდეგ შეტევა. უნდა იფიქრო, შეგიძლია თუ არა გაიტანო, ან შენს პარტნიორს უნდა გადააწოდო ბურთი, რომელიც უფრო კარგ პოზიციაზეა. მე გადავწყვიტე დამერტყა და საბედნიეროდ ბურთი კარში შევიდა." – განაცხადა უეინმა ESPN. com–თნ.
აქვე შემოგთავაზებთ იმ ვიდეოს სადაც, რონალდოს გოლია მოცემული, ვნახოთ და თქვენ გადაწყვიტეთ, ჰგავს თუ არა რუნის გატანილი ბურთი რონალდოსას...