ამჟამად უკვე "მეთოფეეების" ღირსების დამცველი ჰენრიხ მხითარიანი "მანჩესტერულ" კარიერას იხსენებს. მოგეხსენებათ, სომეხი ფეხბურთელი "იუნაიტედის" რიგებში 2016 წელს "დორტმუნიდის" ბორუსიადან" მივიდა.
წლევანდელი სეზონი კი მისთვის წარუმატებელი აღმოჩნდა, რის შედეგადაც მან კლუბი გამოიცვალა და ლონდონის "არსენალს" შეუერთდა. ჟურნალისტებისთვის მიცემულ ინტერვიუში მხითარიანმა წარსული გაიხსენა და "იუნაიტედში" გატარებულ წლებზე ისაუბრა.
"მე არ მსურს გამართლება მოვუძებნო ჩემ გადაწყვეტილებას, მე არ მსურს ამაში ვინმე დავადანაშაულო, ჩემი საფეხბურთო კარიერაში ახალი ეტაპი დაიწყო, მინდა გითხრათ, რომ აქ ყოფნით ძალიან ბედნიერი ვარ. რათქმაუნდა "არსენალში" მსურს მივაღწიო იმაზე მეტს, ვიდრე ეს "მანჩესტერ იუნაიტედში" შევძელი.
არაფერი არ მაქვს დამტკიცებული. მსურს ვისარგებლო თამაშით, გავაკეთო ყველაფერი რისი გაკეთებაც შემიძლია, ხოლო ამის შემდეგ ვნახოთ თუ რის მიღწევას შევძლებ".- ციტირებს მხითარიანის სიტყვებს Sky Sports.
ცნობისთვის, პრემიერ ლიგაში "არსენალის" მაისურით ჩატარებულ მეორე მატჩში ჰენრიკ მხითარიანმა საკუთარ ანგარიშზე სამი საგოლე გადაცემა მიითვალა.