ჟოზე მოურინიომ "მანჩესტერ იუნაიტედის" ოფიციალურ ტელევიზიას განუცხადა, რომ ზლატან იბრაჰიმოვიჩმა პირველ გუნდთან ერთად ვარჯიში განაახლა და მალე თამაშსაც შეძლებს.
გასულ კვირაში მწვრთნელმა დაადასტურა, რომ დიდი ხანია ტრავმირებული ფეხბურთელები, ზლატანი და ერიკ ბაიი მოედანზე ვარჯიშობდნენ, მაგრამ არა თანაგუნდელებთან ერთად.
პარასკევს დილას სავარჯიშო კომპლექსზე ტელევიზიისთვის მიცემულ ინტერვიუში პორტუგალიელმა ასევე დაადასტურა, რომ გუნდში ახალი ტრავმირებული ფეხბურთელი არ არის გასულ კვირაში "ჰადერსფილდ თაუნთან" მოგებული მატჩის შემდეგ.
მოგვიანებით პრესკონფერენციაზე მწვრთნელმა ცხადყო, რომ დეილი ბლინდი "სენტ ჯეიმს პარკზე" თამაშს ვერ შეძლებს კვირას, როცა მისი გუნდი "ნიუკასლს" დაუპირისპირდება.
"გუნდი კარგადაა, ყველაფერი რიგზეა. ერიკ ბაიი და დეილი ბლინდი გვაკლია. ზლატანმა ორი დღის წინ გუნდთან ერთად ვარჯიში დაიწყო და ამ ორ დღეში უკვე პროგრესირებს. კარგად ვართ", - განაცხადა ჟოზემ.
იბრაჰიმოვიჩმა ბოლო მატჩი ბოქსინგ დეიზე ჩაატარა, როცა "იუნაიტედი" "ბარნლის" შეხვდა "ოლდ ტრაფორდზე" და მატჩი ფრედ 2:2 დაასრულა, მაგრამ პირველი ტაიმის შემდეგ შეცვალეს. ხოლო ბლინდს იანვარში ინგლისის თასის ეგიდით "დერბი ქაუნთისნათ" მიღებული მცირე ტრავმის შემდეგ არ უთამაშია.
ბაიი ნოემბრის შემდეგ უქმობს, ხოლო მარუან ფელაინი "ტოტენჰემთან" მიღებული ტრავმის რეციდივის გამო გაკეთებული ოპერაციის მიზეზით ვერ ახერხებს თამაშს. ბელგიელი ფეხბურთელი 6 კვირა ვერ დაბრუნდება მოედანზე.
"იუნაიტედი" პრემიერ ლიგაში მეორე ადგილის დაკავებას ისახავს მიზნად, მაგრამ მოურინიოს შეახსენეს, რომ "ნიუკლასთან" გასვლაზე მწვრთნელის რანგში მას არასდროს გაუმარჯვია.
"ეს მართალია. გულახდილად რომ ვთქვა, იქ ყოველთვის რთული და ლამაზი შეხვედრები მქონდა. მომწონს სტადიონი და მასზე არსებული ატმოსფერო, მათ კარგი და ენთუზიაზმით სავსე გულშემატკივრები ჰყავთ.
მომწონს იქ ჩასვლა, მაგრამ აქამდე ვერ ვიმარჯვებდი. რამდენიმეჯერ წავაგე და რამდენიმე ფრეც ვითამაშე. იმედი მაქვს, რომ კვირას სხვა შედეგი დაფიქსირდება, მაგრამ ბენიტესმა კარგად იცის, როგორ დააგროვოს ქულები, ამიტომაც მგონია, რომ რთული შეხვედრა იქნება".
ახალი ამბები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.