"მანჩესტერ იუნაიტედის" 19-წლამდელთა გუნდი UEFA-ს ახალგაზრდული ლიგის მერვედფინალში "ლივერპულს" შეხვდება, ხოლო მომდევნო ეტაპზე გასვლის შემთხვევაში არის შანსი, რომ თანაქალაქელ თანატოლებს დაუპირისპირდნენ.
ერტმატჩიანი დაპირისპირება მერსეისაიდში 20 ან 21 თებერვალს შედგება და მასში გამარჯვებულის მომდევნო მეტოქე "სიტისა" და "ინტერის" მატჩში გაირკვევა.
ლივერპულში ვიზიტი ნიკი ბატის გუნდს ბელგრადში "ბროდარაცის" დამარცხების შემდეგ, სადაც ინდი ბუუნენისა და ადგილობრივი გუნდის მცველის ავტოგოლით "წითლებმა" 2-0 იმარჯვეს.
ამ მატჩის გამართვა "იუნაიტედს" იმის გამო მოუწია, რომ ჯგუფური ეტაპი მეორე ადგილზე დაასრულა და "ბაზელს" მხოლოდ ბურთების უარესი სხვაობის გამო ვერ აჯობა.
23 აპრილს გასამართ ფინალურ შეხვედრამდე ყველა გუნდს ოთხი მატჩის მოგება აშორებს, "უნაიტედისთვის" კი ეს განსაკუთრებულად რთული იქნება პოტენციური მეტოქეების გამო, რომლებიც ჩემპიონთა ლიგაზე მოასპარეზე 32 კლუბის ახალგაზრდულ გუნდებს წარმოადგენენ.
ტურნირი თავის მეხუთე სეზონს ითვლის და მისი მერვედფინალური წყვილები ასე გამოიყურება:
მიუნხენის "ბაიერნი" - მადრიდის "რეალი" "მანჩესტერ სიტი" - მილანის "ინტერი" მადრიდის "ატლეტიკო" - "ბაზელი" "პორტუ" - "ზალცბურგი" "პარი სენ-ჟერმენი" - "ბარსელონა" "ლივერპული" - "მანჩესტერ იუნაიტედი" "ტოტენჰემი" - "მონაკო" "ჩელსი" - "ფეიენოორდი"
ახალი ამბები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.