ჟოზე მოურინიო მადრიდის "რეალს" დავიდ დე ხეას სანაცვლოდ სამ ფეხბურთელს მოსთხოვს.

"მანჩესტერ იუნაიტედის" მწვრთნელი თავისი გუნდის პირველ ნომერს მნიშვნელოვან ფიგურად მიიჩნევს და კლუბის ხელმძღვანელობას თავის სატრანსფერო გეგმებს ანდობს.

გამოცემა Diario Gol-ი იტყობინება, რომ დე ხეას თაობაზე ნებისმიერი სახის მოლაპარაკებაში მიიღებს მონაწილეობას მოურინიო და სანაცვლოდ სამი ფეხბურთელის გადაბირებას ეცდება.

გამოცემით მტკიცებით, "იუნაიტედი" დე ხეას 115 მლნ. ფუნტად აფასებს და მის ტრანსფერში რაფაელ ვარანს, მარკო ასენსიოსა და ისკოს მოითხოვს.

ცნობილია, რომ ვარანის შესყიდვა მოურინიოს უმთავრეს მიზანს წარმოადგენს, ვინაიდან დაცვის ხაზის გაძლიერება სურს და ამის გაკეთებას ესპანელი მეკარის ტრანსფერისგან დამოუკიდებლად ეცდება.

24 წლის ფრანგმა პორტუგალიელზე დიდი შთაბეჭდილება მოახდინა მადრიდში მუშაობის დროს და როგორც ჩანს, რეორგანიზაციის პროცესის დაგეგმვისას "რეალის" პრეზიდენტმა ფლორენტინო პერესმა ვარანის გაყიდვის ვარიანტიც განიხილა.

წყარო: M.E.N.