ანტონიო ვალენსიას გოლი "სტოკ სიტის" კარში, გულშემატკივრებმა "მანჩესტერ იუნაიტედის" იანვრის საუკეთესო გოლად დაასახელეს.
მარჯვენა მცველმა, რომელიც "მეთუნუქეებთან" მატჩში დაბრუნდა ოთხკვირიანი უქმობის შემდეგ, "ოლდ ტრაფორდზე" 3-0 მოგებულ შეხვედრაში გახსნა ანგარიში.
იანვრის საუკეთესო გოლის გამოვლენა ერთ-ერთი ყველაზე რთული დავალება გამოდგა გულშემატკივრებისთვის, ვინაიდან ეკვადორელს მხოლოდ 23% ერგო გამოკითხულთა ხმებისა, რაც საკმარისი აღმოჩნდა გამარჯვებისთვის.
"ევერტონის" კარში ჯესი ლინგარდის შორეული გასროლა მეორე ადგილზე გავიდა ხმების 21%-ით, ზემოაღნიშნულ მეტოქესთან ენტონი მარსიალის გოლი კი მესამე ადგილს დასჯერდა და მას 20% ერგო. ხუთეულში ასევე შევიდა ლინგარდის სოლო რეიდი "დერბი ქაუნთისთან" (15%) და მარსიალის გოლი "ბარნლისთან" (9%).
ვალენსია უკვე მეორედ ეუფლება თვის საუკეთესო გოლის ჯილდოს მიმდინარე თვეში. წინა შემთხვევა სექტემბერში იყო, როცა "ევერტონის" კარის შორეული დარტყმით აღებამ იმარჯვა.
ამ გოლმა საერთო ჯამში სამი ჯილდო მოაგროვა, რამეთუ დასახელდა სექტემბრის საუკეთესო გოლად პრემიერ ლიგის მასშტაბით და "იუნაიტედის" 2017 წლის საუკეთესო გოლად კლუბის მასშტაბით.
ეკვადორელის ანგარიშზე მიმდინარე სეზონში სამი გოლია, რაც მეტია, ვიდრე წინა სამ სეზონში გატანილი გოლების ჯამური მაჩვენებელი.
ახალი ამბები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.