ალექსის სანჩესის ტრანსფერმა გუნდს სარეკორდი გაყიდვები დაუფიქსირა.
შესაძლოა, "მანჩესტერ სიტიმ" ალექსის სანჩესის შეძენაზე უარი ფინანსური მიზეზის გამო განაცხადა, მაგრამ ჩილელის ტრანსფერით "მანჩესტერ იუნაიტედი" უკვე შოულობს ფინანსურ დივიდენდებს.
სანჩესი "ოლდ ტრაფორდზე" "არსენალიდან" გასულ თვეში გადაბარგდა და "იუნაიტედი" მას წლიური ხელფასის სახით 14 მლნ. ფუნტს უხდის, მის აგენტს 10 მილიონი გადაუხადა, ხოლო "არსენალს" ჰენრიხ მხითარიანი მისცა სანაცვლოდ და ბონუსის სახით დამატებით 20 მლნ. ფუნტს უხდის.
ამ ტრანსფერის შედეგად სანჩესი პრემიერ ლიგის ყველაზე მაღალშემოსავლიანი ფეხბურთელი გახდა, მაგრამ ვუდვორდი ამტკიცებს, რომ გუნდი მისი სახით უკვე ნახულობს მოგებას.
სანჩესის ტრანსფერის წყალობით "იუნაიტედმა" იანვარში რეკორდული რაოდენობის მაისური გაყიდა - სამჯერ მეტი, ვიდრე წინა ჯერზე - და რამდენიმე რეკორდი მოხსნა მედიაში.
ინსტაგრამზე "იუნაიტედის" ყველაზე მოწონებადი და კომენტირებადი პოსტი სწორედ სანჩესს ეხებოდა, მისი შეძენის შესახებ 22 იანვარს დადებული პოსტი კი კლუბის ფეისბუქ-გვერდზე ყველაზე გაზიარებადი იყო, ხოლო ტვიტერის ისტორიაში "იუნაიტედის" პოსტმა რეტვიტების რეკორდი მოხსნა. 158 ათას რეტვიტს თან ახლდა 211 ათასი მოწონება და 14 ათასი კომენტარი. ჰეშთეგი #Alexis7 კი მთელი მსოფლიოს მასშტაბით ყველაზე მოდური თემა გახდა ტვიტერზე.
"იმისათვის, რომ ნათლად აღგიწეროთ, სანჩესის ტრანსფერის პოსტმა 75%-ით მეტი ყურადღება მიიპყრო, ვიდრე "ბარსელონადან" პსჟ-ში მსოფლიოს ყველაზე ძვირადღირებული ფეხბურთელის ტრანსფერის გამოცხადებამ", - განუცხადა ვუდვორდმა ინვესტორებს კონფერენციაზე, რომელიც გასული წლის ბოლო სამი თვის შედეგების შესაჯამებლად თებერვალში გაიმართა.
რაც შეეხება სხვა განვითარებებს, კლუბის ოფიციალური საიტი manutd.com ყველაზე ხშირად მოთხოვნადი სპორტული საიტია მთელი მსოფლიოს მასშტაბით, "იუნაიტედი" კი ტვიტერის ისტორიაში ყველაზე მზარდი კლუბია.
წყარო:
telegraph